Bakı-APA. Quam adasında ABŞ-a məxsus hərbi təyyarə qəzaya uğrayıb.
APA-nın “Associated Press” agentliyinə istinadən verdiyi məlumata görə, insident B-52 bombardmançı təyyarənin havaya qalxdığı zaman baş verib.
Hərbi-Hava Qüvvələrinin nümayəndələri təyyarənin göyərtəsində 7 ekipaj üzvünün olduğunu və onların sağ qaldıqlarını bildiriblər.
Hadisənin başvermə səbəbləri və digər təfərrüatları açıqlanmır.