Bakı – APA. Ağdaş şəhərində bir nəfər azyaşlı mənzildə bağlı qapı arxasında köməksiz vəziyyətdə qalıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, dərhal xilasedicilər hadisə yerinə cəlb edilib. Yanğınsöndürən-xilasedicilər beşmərtəbəli yaşayış binasının 5-ci mərtəbəsinə eyvandan daxil olaraq giriş qapısını açıb və azyaşlını xilas edərək aidiyyəti üzrə təhvil veriblər.