Bakı. Aqşin Rafiqoğlu - APA-Economics. Azərbaycan Dövlət Neft Fondu (ARDNF) “Şahdəniz” yatağının işlənməsi üzrə əldə etdiyi gəlirin miqdarını açıqlayıb.
“APA-Economics”in sorğusuna cavab olaraq ARDNF-ə bildirilib ki, bu ilin yanvar-mart aylarında fonda “Şahdəniz” yatağının işlənməsindən 79,5 mln. ABŞ dolları vəsait daxil olub. Bu, ötən ilin yanvar-mart ayları ilə müqayisədə 36,1 mln. dollar və ya 31,2% azalma deməkdir.
Xatırladaq ki, ötən ilin üç ayı ərzində “Şahdəniz” yatağından 115,6 mln. dollar gəlir əldə olunub.
Qeyd edək ki, 2007-ci ildən bu il aprelin 1-dək ARDNF “Şahdəniz” yatağının işlənməsi layihəsindən 2 mlrd. 199 mln. dollar gəlir əldə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
