Bakı-APA. Yəmənin Əbyan əyalətində polis məntəqəsinin qarşısında minalanmış avtomobil partladılıb.
APA-nın “Sinxua” agentliyinə istinadən verdiyi xəbərə görə, insident əyalətin paytaxtı Zincibar şəhərində baş verib.
Məlumata görə, partlayış terrorçu-kamikadze tərəfindən törədilib. Hadisə nəticəsində 8 polis əməkdaşı və hərbçi ölüb, 20-i yaralanıb. Yerli sakinlərin sözlərinə əsasən, partlayışdan sonra Zincibarda hökumət qoşunları və “Əl-Qaidə” silahlıları arasında şiddətli döyüşlər başlayıb.