Azərbaycan Milli Elmlər Akademiyasının (AMEA) elmi müəssisələrinin doktorant və dissertantlarının alman və fransız dillərindən doktorluq imtahanları keçirilib. AMEA-nın İctimaiyyətlə əlaqələr şöbəsindən APA-ya verilən məlumata görə, imtahanlar AMEA-nın prezidenti, akademik Akif Əlizadənin 10 noyabr 2016-cı il tarixli “Qış imtahan sessiyasının keçirilməsi haqqında” sərəncamına əsasən AMEA Mərkəzi Elmi Kitabxanasında baş tutub.
Şəffaflığın təmin edilməsi məqsədilə imtahan prosesinə video-müşahidə sistemi vasitəsilə nəzarət olunub.