Bakı. Ramiz Mikayıloğlu - APA. Azərbaycanda manatla hesablanan və inzibati xətalara görə fiziki şəxslərdən alınan inzibati cərimənin miqdarı artırılır.
APA-nın məlumatına görə, qüvvədə olan İnzibati Xətalar Məcəlləsinə əsasən manatla hesablanan və inzibati xətalara görə fiziki şəxslərdən alınan inzibati cərimənin miqdarı 3 min manatdan artıq ola bilməz.
Yeni İnzibati Xətalar Məcəlləsinin layihəsinə əsasən isə manatla hesablanan və inzibati xətalara görə fiziki şəxslərdən alınan inzibati cərimənin miqdarı 5 min manatdan artıq ola bilməz.
Qeyd edək ki, inzibati cərimə hakim, səlahiyyətli orqan (vəzifəli şəxs) tərəfindən təyin edilən və təqsirkar şəxsdən dövlətin xeyrinə məcburi tutulan pul məbləğidir.