Asiya-Sakit okeanı bölgəsində yaşayan 500 milyonadək insan acdır. Bu isə region əhalisinin 12 faizi deməkdir.
APA-nın “FAO”nun məruzəsinə istinadən yaydığı məlumatına görə, bu qənaətə BMT-nin qida və kənd təsərrüfatı təşkilatının (FAO) ekspertləri gəlib.
Sənəddə qeyd olunur ki, aclıqla mübarizə templəri azalıb və lazımi tədbirlər görülməsə, 2030-cu ilədək davamlı inkişafın ikinci məqsədi-aclığı problemini həll etmək mümkün olmayacaq.
“Həmin 12 faiz bölgənin ən yoxsul insanlarıdır. Zaman gözləmir, lakin siyasi iradə və kollektiv səylər aclığa qalib gəlməyə imkan verir”, - deyə təşkilatın regional nümayəndəsi Kundavi Kadiresan söyləyib.
Qeyd edək ki, dünyada aclıqdan əziyyət çəkənlərin 60 faizi Asiya-Sakit okean regionunun payına düşür. Bölgədəki hər üç uşaqdan birinin boyu qəbul edilən qida maddələrinin azlığından qısadır. Məruzə müəlliflərinin qənaətinə görə, Asiya-Sakit okeanı regionunda aclıqla mübarizə bölgə əhalisinin artım templərini nəzərə alaraq, böyük sosial və iqtisadi çətinliklərlə müşahidə olunacaq.
İsmayıl Fətəliyev
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
