Yəmən sahillərində yük gəmisinin batması nəticəsində azı 20 nəfər itkin düşüb, 42 nəfərin həyatını xilas etmək mümkün olub.
APA-nın “Sky News Arabia”-ya istinadən verdiyi xəbərə görə, gəmi Ədən körfəzində, Sokotra adası yaxınlığında qəzaya uğrayıb.
Əl-Mukalla şəhərindən Sokotra adasına üzən gəminin göyərtəsində qadın və uşaqlar da daxil olmaqla, 60-dan çox insan olub. Məlumata əsasən, adada hava limanı işləmədiyindən insanlar müxtəlif təyinatlı gəmilərdən istifadə etməyə məcbur olurlar.
Bölgədə axtarış-xilasedici əməliyyat davam edir.