Şabran. Vəli Turan – APA. Bu gün axşam saatlarında Şabran rayonunda ağır yol nəqliyyat hadisəsi baş verib. APA-nın şimal bürosunun verdiyi məlumata görə, qəza Şabran-Pirəmsəm yolunda qeydə alınıb. “Qazel” markalı yük maşını idarəetməni itirərək aşıb. Qəza nəticəsində Şabran rayon sakinləri ata və oğul 1963-cü il təvəllüdlü Haşımov Yusifəli Yaqub oğlu və Xəqani Haşımov müxtəlif dərəcəli bədən xəsarətləri alıb. Hər iki Şabran Mərkəzi Rayon Xəstəxanasına yerləşdirilib.
Onların vəziyyətlərinin orta ağır olduğu bildirilir.
Faktla bağlı Şabran rayon Polis Şöbəsində araşdırmalar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
