Bakı Metropolitenində tuneldə qalan qatar çıxarılıb və depoya göndərilib.
APA-nın məlumatına görə, metroda qatarların hərəkəti bərpa edilib.
***** 19.29
Bakı Metropolitenində qatarların hərəkətində ləngimə baş verib. Bakı Metropoliteninin mətbuat rəhbəri Nəsimi Paşayevin APA-ya verdiyi xəbərə görə, ləngiməyə səbəb Həzi Aslanov-Dərnəgül istiqamətində 35 saylı marşrut üzrə hərəkət edən qatarın qapılarında yaranmış nasazlıq olub.
Məlumata görə, qatarın sərnişinləri “28 May” stansiyasında boşaldılıb, qatar isə Nizami stansiyasından geri depoya göndərilib.
“Təəssüf ki, boş qatar indi də 28 May-Gənclik stansiyaları arasında qalıb. Hazırda başqa qatarın köməkliyi ilə onu xətdən çıxarılması istiqamətində iş görülür”, - deyə N.Paşayev bildirib.
Bakı Metropoliteni yaranmış narahatlığa görə sərnişinlərdən üzr istəyir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
