Bakı. Fuad Cəfərov - APA. Qusarda bir nəfərin xəsarət alması ilə nəticələnən yanğın baş verib.
APA-nın Daxili İşlər Nazirliyinin saytına istinadən verdiyi məlumata görə, sentyabrın 4-də saat 18:00 radələrində Qusar rayonunun Bədişqala kənd sakini Camaləddin Məmmədova məxsus 2 mərtəbəli 6 otaqlı evdə yanğın baş verib. Nəticədə evin yanar konstruksiyaları və oradakı əşyalar yanıb, yanıq xəsarəti almış C.Məmmədov xəstəxanaya yerləşdirilib.