Rəsmi xəbər

Ana səhifə

Rəsmi xəbər

Xüsusi, hərbi, diplomatik rütbələrin və ixtisas dərəcələrinin qarşılıqlı uyğunlaşdırılması qaydası təsdiq edilib - FƏRMAN

28 sentyabr 2024 13:52 (UTC +04:00)

"Xüsusi, hərbi, diplomatik rütbələrin və ixtisas dərəcələrinin qarşılıqlı uyğunlaşdırılması Qaydası" təsdiq edilib.

APA xəbər verir ki, Prezident İlham Əliyev bununla bağlı Fərman imzalayıb.

Rütbələrin və ixtisas dərəcələrinin qarşılıqlı uyğunlaşdırılması bu Qaydanın Əlavəsinə uyğun olaraq aparılacaq:

Xüsusi, hərbi, diplomatik rütbələrin və ixtisas dərəcələrinin qarşılıqlı uyğunlaşdırılması CƏDVƏLİ

Sıra №-si	Dövlət qulluğunda ixtisas dərəcələri	Hərbi rütbələr	Prokurorluq orqanlarında rütbələr	Ədliyyə orqanlarında xüsusi rütbələr	Fövqəladə hallar orqanlarında xüsusi rütbələr	Miqrasiya orqanlarında xüsusi rütbələr	Daxili işlər orqanlarında xüsusi rütbələr	Gömrük orqanlarında xüsusi rütbələr	Vergi orqanlarında xüsusi rütbələr	Diplomatik rütbələr
1	2	3	4	5	6	7	8	9	10	11
1. Ali rütbələr və ixtisas dərəcələri
1.1.	həqiqi dövlət müşaviri	ordu generalı	həqiqi dövlət ədliyyə müşaviri	həqiqi dövlət ədliyyə müşaviri	-	-	-	həqiqi dövlət gömrük xidməti müşaviri	həqiqi dövlət vergi xidməti müşaviri	-
1.2.	1-ci dərəcə dövlət müşaviri	general-polkovnik, admiral	I dərəcəli dövlət ədliyyə müşaviri, ədliyyə general- polkovniki	I dərəcəli dövlət ədliyyə müşaviri, ədliyyə general- polkovniki	-	I dərəcəli dövlət miqrasiya xidməti müşaviri	polis general- polkovniki	gömrük xidməti general- polkovniki	1-ci dərəcəli dövlət vergi xidməti müşaviri	fövqəladə və səlahiyyətli səfir
1.3.	2-ci dərəcə dövlət müşaviri	general-leytenant, vitse-admiral, tibb xidməti general- leytenantı, ədliyyə general-leytenantı	II dərəcəli dövlət ədliyyə müşaviri, ədliyyə general- leytenantı	II dərəcəli dövlət ədliyyə müşaviri, ədliyyə general- leytenantı	daxili xidmət general- leytenantı, tibb xidməti general- leytenantı	II dərəcəli dövlət miqrasiya xidməti müşaviri	polis general- leytenantı	gömrük xidməti general- leytenantı	2-ci dərəcəli dövlət vergi xidməti müşaviri	birinci dərəcəli fövqəladə və səlahiyyətli elçi
1.4.	3-cü dərəcə dövlət müşaviri	general-mayor, kontr-admiral, tibb xidməti general- mayoru, ədliyyə general-mayoru	III dərəcəli dövlət ədliyyə müşaviri, ədliyyə general-mayoru	III dərəcəli dövlət ədliyyə müşaviri, ədliyyə general- mayoru, tibb xidməti general- mayoru	daxili xidmət general- mayoru, tibb xidməti general- mayoru	III dərəcəli dövlət miqrasiya xidməti müşaviri	polis general- mayoru, tibb xidməti general- mayoru	gömrük xidməti general- mayoru, tibb xidməti general- mayoru	3-cü dərəcəli dövlət vergi xidməti müşaviri, 3-cü dərəcəli dövlət ədliyyə müşaviri	ikinci dərəcəli fövqəladə və səlahiyyətli elçi
2. Digər rütbələr və ixtisas dərəcələri
2.1.	dövlət qulluğunun baş müşaviri	polkovnik, 1-ci dərəcəli kapitan, tibb xidməti polkovniki, ədliyyə polkovniki	baş ədliyyə müşaviri, ədliyyə polkovniki	baş ədliyyə müşaviri, ədliyyə polkovniki, tibb xidməti polkovniki	daxili xidmət polkovniki, tibb xidməti polkovniki	baş miqrasiya xidməti müşaviri	polis polkovniki, tibb xidməti polkovniki	gömrük xidməti polkovniki, tibb xidməti polkovniki	baş vergi xidməti müşaviri, baş ədliyyə müşaviri	birinci dərəcəli müşavir
2.2.	dövlət qulluğunun müşaviri	polkovnik- leytenant, 2-ci dərəcəli kapitan, tibb xidməti polkovnik- leytenantı, ədliyyə polkovnik- leytenantı	ədliyyə müşaviri, ədliyyə polkovnik- leytenantı	ədliyyə müşaviri, ədliyyə polkovnik- leytenantı, tibb xidməti polkovnik- leytenantı	daxili xidmət polkovnik- leytenantı, tibb xidməti polkovnik- leytenantı	miqrasiya xidməti müşaviri	polis polkovnik- leytenantı, tibb xidməti polkovnik- leytenantı	gömrük xidməti polkovnik- leytenantı, tibb xidməti polkovnik- leytenantı	vergi xidməti müşaviri, ədliyyə müşaviri	ikinci dərəcəli müşavir

2.3.	dövlət qulluğunun kiçik müşaviri	mayor, 3-cü dərəcəli kapitan, tibb xidməti mayoru, ədliyyə mayoru	kiçik ədliyyə müşaviri, ədliyyə mayoru	kiçik ədliyyə müşaviri, ədliyyə mayoru, tibb xidməti mayoru	daxili xidmət mayoru, tibb xidməti mayoru	kiçik miqrasiya xidməti müşaviri	polis mayoru, tibb xidməti mayoru	gömrük xidməti mayoru, tibb xidməti mayoru	kiçik vergi xidməti müşaviri, kiçik ədliyyə müşaviri	birinci dərəcəli birinci katib
2.4.	1-ci dərəcə dövlət qulluqçusu	kapitan, kapitan leytenant, tibb xidməti kapitanı, ədliyyə kapitanı	I dərəcəli hüquqşünas, ədliyyə kapitanı	I dərəcəli ədliyyə qulluqçusu, ədliyyə kapitanı, tibb xidməti kapitanı	daxili xidmət kapitanı, tibb xidməti kapitanı	I dərəcəli miqrasiya xidməti qulluqçusu	polis kapitanı, tibb xidməti kapitanı	gömrük xidməti kapitanı, tibb xidməti kapitanı	1-ci dərəcəli müfəttiş, 1-ci dərəcəli hüquqşünas	ikinci dərəcəli birinci katib
2.5.	2-ci dərəcə dövlət qulluqçusu	baş leytenant, tibb xidməti baş leytenantı, ədliyyə baş leytenantı	II dərəcəli hüquqşünas, ədliyyə baş leytenantı	II dərəcəli ədliyyə qulluqçusu, ədliyyə baş leytenantı, tibb xidməti baş leytenantı	daxili xidmət baş leytenantı, tibb xidməti baş leytenantı	II dərəcəli miqrasiya xidməti qulluqçusu	polis baş leytenantı, tibb xidməti baş leytenantı	gömrük xidməti baş leytenantı, tibb xidməti baş leytenantı	2-ci dərəcəli müfəttiş, 2-ci dərəcəli hüquqşünas	birinci dərəcəli ikinci katib, ikinci dərəcəli ikinci katib
2.6.	3-cü dərəcə dövlət qulluqçusu	leytenant, tibb xidməti leytenantı, ədliyyə leytenantı	III dərəcəli hüquqşünas, ədliyyə leytenantı	III dərəcəli ədliyyə qulluqçusu, ədliyyə leytenantı, tibb xidməti leytenantı	daxili xidmət leytenantı, tibb xidməti leytenantı	III dərəcəli miqrasiya xidməti qulluqçusu	polis leytenantı, tibb xidməti leytenantı	gömrük xidməti leytenantı, tibb xidməti leytenantı	3-cü dərəcəli müfəttiş, 3-cü dərəcəli hüquqşünas	üçüncü katib
2.7.	kiçik dövlət qulluqçusu	kiçik leytenant, tibb xidməti kiçik leytenantı, ədliyyə kiçik leytenantı	-	ədliyyə kiçik leytenantı, tibb xidməti kiçik leytenantı	daxili xidmət kiçik leytenantı, tibb xidməti kiçik leytenantı	kiçik miqrasiya xidməti qulluqçusu	polis kiçik leytenantı, tibb xidməti kiçik leytenantı	gömrük xidməti kiçik leytenantı, tibb xidməti kiçik leytenantı	-	attaşe
2.8.	dövlət qulluğunun baş referenti	baş gizir, baş miçman	-	ədliyyə baş giziri, tibb xidməti baş giziri	daxili xidmət baş giziri, tibb xidməti baş giziri	-	-	gömrük xidməti baş giziri, tibb xidməti baş giziri	-	-
2.9.	dövlət qulluğunun böyük referenti	gizir, miçman	-	ədliyyə giziri, tibb xidməti giziri	daxili xidmət giziri, tibb xidməti giziri	-	-	gömrük xidməti giziri, tibb xidməti giziri	-	-
2.10.	dövlət qulluğunun 1-ci dərəcə referenti	kiçik gizir, kiçik miçman	-	ədliyyə kiçik giziri, tibb xidməti kiçik giziri	daxili xidmət kiçik giziri, tibb xidməti kiçik giziri	-	-	-	-	-
2.11.	dövlət qulluğunun 2-ci dərəcə referenti	baş çavuş	-	ədliyyə baş çavuşu, tibb xidməti baş çavuşu	daxili xidmət baş çavuşu, tibb xidməti baş çavuşu	baş miqrasiya xidməti çavuşu	polis baş serjantı, tibb xidməti baş serjantı	-	-	-
2.12.	dövlət qulluğunun 3-cü dərəcə referenti	çavuş	-	ədliyyə çavuşu, tibb xidməti çavuşu	daxili xidmət çavuşu, tibb xidməti çavuşu	miqrasiya xidməti çavuşu	polis serjantı, tibb xidməti serjantı	-	-	-
2.13.	dövlət qulluğunun kiçik referenti	kiçik çavuş	-	ədliyyə kiçik çavuşu, tibb xidməti kiçik çavuşu	daxili xidmət kiçik çavuşu, tibb xidməti kiçik çavuşu	kiçik miqrasiya xidməti çavuşu	polis kiçik serjantı, tibb xidməti kiçik serjantı	-	-	-

Rütbələrin və ixtisas dərəcələrinin qarşılıqlı uyğunlaşdırılması aşağıdakı tələblər nəzərə alınmaqla həyata keçirilir:

- dövlət qulluqçusu dövlət qulluğunun xüsusi növünə aid dövlət orqanlarında rütbə nəzərdə tutulan vəzifələrə qulluğa (xidmətə) qəbul edildikdə ona rütbə verilərkən malik olduğu ixtisas dərəcəsi, habelə həmin ixtisas dərəcəsində qulluq müddəti nəzərə alınır;

- dövlət orqanında işləmiş və ixtisas dərəcəsinə malik olan şəxs sonradan dövlət qulluğunun xüsusi növünə aid dövlət orqanlarında rütbə nəzərdə tutulan vəzifələrə qulluğa (xidmətə) qəbul edildikdə ona rütbə verilərkən malik olduğu ixtisas dərəcəsi, habelə həmin ixtisas dərəcəsində qulluq müddəti nəzərə alınır;

- dövlət qulluğunun xüsusi növünə aid dövlət orqanlarında rütbə nəzərdə tutulan vəzifələrdə qulluq (xidmət) keçən və dövlət qulluğu vəzifəsinə qəbul edilən şəxsə ixtisas dərəcəsi verilərkən malik olduğu rütbə, habelə həmin rütbədə qulluq (xidmət) müddəti nəzərə alınır;

- dövlət qulluğunun xüsusi növünə aid dövlət orqanlarında qulluq (xidmət) keçmiş və rütbəyə malik olan şəxs sonradan dövlət qulluğu vəzifəsinə qəbul edildikdə ona ixtisas dərəcəsi verilərkən malik olduğu rütbə, habelə həmin rütbədə qulluq (xidmət) müddəti nəzərə alınır;

- dövlət qulluğunun xüsusi növünə aid dövlət orqanlarında rütbə nəzərdə tutulan vəzifələrdə qulluq (xidmət) keçən şəxs dövlət qulluğunun xüsusi növünə aid digər dövlət orqanlarında rütbə nəzərdə tutulan vəzifələrə qulluğa (xidmətə) qəbul edildikdə ona rütbə verilərkən malik olduğu rütbə, habelə həmin rütbədə qulluq (xidmət) müddəti nəzərə alınır;

- dövlət qulluğunun xüsusi növünə aid dövlət orqanlarında rütbə nəzərdə tutulan vəzifələrdə qulluq (xidmət) keçmiş şəxs sonradan dövlət qulluğunun xüsusi növünə aid digər dövlət orqanlarında rütbə nəzərdə tutulan vəzifələrə qulluğa (xidmətə) qəbul edildikdə ona rütbə verilərkən malik olduğu rütbə, habelə həmin rütbədə qulluq (xidmət) müddəti nəzərə alınır.

- Dövlət qulluqçusu və ya əvvəllər dövlət orqanında işləmiş və ixtisas dərəcəsinə malik olan şəxs dövlət qulluğunun xüsusi növünə aid dövlət orqanlarında rütbə nəzərdə tutulan vəzifələrə qulluğa (xidmətə) qəbul edilərkən, habelə dövlət qulluğunun xüsusi növünə aid dövlət orqanında qulluq (xidmət) keçən və ya əvvəllər qulluq (xidmət) keçmiş şəxs dövlət qulluğunun xüsusi növünə aid digər dövlət orqanında rütbə nəzərdə tutulan vəzifələrə qulluğa (xidmətə) qəbul edilərkən ona təyin olunduğu vəzifə üzrə müəyyən edilmiş rütbə həddi nəzərə alınmaqla rütbə verilir.

Dövlət qulluğunun xüsusi növünə aid dövlət orqanlarında qulluq (xidmət) keçən və ya əvvəllər qulluq (xidmət) keçmiş şəxs dövlət qulluğuna qəbul edilərkən həmin şəxsə təyin olunduğu vəzifənin təsnifatı üzrə müəyyən edilmiş ixtisas dərəcəsi nəzərə alınmaqla ixtisas dərəcəsi verilir. Dövlət qulluğunun xüsusi növünə aid dövlət orqanlarında qulluq (xidmət) keçən və ya əvvəllər qulluq (xidmət) keçmiş şəxsin malik olduğu rütbə onun dövlət qulluğunda təyin olunduğu vəzifənin təsnifatı üzrə nəzərdə tutulmuş ixtisas dərəcələrindən yuxarıdırsa, ona həmin təsnifat üzrə müəyyən edilmiş ən yüksək ixtisas dərəcəsi verilir. Dövlət qulluğunun xüsusi növünə aid dövlət orqanlarında qulluq (xidmət) keçən və ya əvvəllər qulluq (xidmət) keçmiş şəxsin malik olduğu rütbə onun dövlət qulluğunda təyin olunduğu vəzifənin təsnifatı üzrə nəzərdə tutulmuş ixtisas dərəcələrindən aşağıdırsa, ona həmin təsnifat üzrə müəyyən edilmiş ən kiçik ixtisas dərəcəsi verilir. Dövlət qulluqçusu və ya əvvəllər dövlət orqanında işləmiş şəxsin malik olduğu ixtisas dərəcəsi onun dövlət qulluğunun xüsusi növünə aid dövlət orqanlarında xidmətə (qulluğa) qəbul olunduğu vəzifə üzrə müəyyən edilmiş rütbə həddindən yuxarıdırsa, ona həmin vəzifə üzrə müəyyən edilmiş ən yüksək rütbə verilir. Dövlət qulluqçusu və ya əvvəllər dövlət orqanında işləmiş şəxsin malik olduğu ixtisas dərəcəsi onun dövlət qulluğunun xüsusi növünə aid dövlət orqanlarında xidmətə (qulluğa) qəbul olunduğu vəzifə üzrə müəyyən edilmiş rütbə həddindən aşağıdırsa, ona həmin vəzifə üzrə müəyyən edilmiş ən kiçik rütbə verilir. Dövlət qulluğunun xüsusi növünə aid bir dövlət orqanından digərinə qulluğa (xidmətə) qəbul edilərkən şəxsin malik olduğu rütbə onun təyin olunduğu vəzifə üzrə müəyyən edilmiş rütbə həddindən yuxarıdırsa, ona həmin vəzifə üzrə müəyyən edilmiş ən yüksək rütbə verilir. Dövlət qulluğunun xüsusi növünə aid bir dövlət orqanından digərinə qulluğa (xidmətə) qəbul edilərkən şəxsin malik olduğu rütbə onun təyin olunduğu vəzifə üzrə müəyyən edilmiş rütbə həddindən aşağıdırsa, ona həmin vəzifə üzrə müəyyən edilmiş ən kiçik rütbə verilir.

Azərbaycan Respublikası Konstitusiyasının 109-cu maddəsinin 24-cü və 32-ci bəndlərinə uyğun olaraq verilmiş və bu Qaydanın Əlavəsinin 1.1−1.4-cü bəndlərində nəzərdə tutulmuş rütbələrin və ixtisas dərəcələrinin (həqiqi dövlət müşaviri, 1-ci dərəcə dövlət müşaviri , 2-ci dərəcə dövlət müşaviri, 3-cü dərəcə dövlət müşaviri) qarşılıqlı uyğunlaşdırılması məsələsinə müvafiq dövlət orqanı rəhbərinin təqdimatı əsasında Azərbaycan Respublikasının Prezidenti tərəfindən baxılır. Bu Qaydanın Əlavəsinin 2.1−2.7-ci bəndlərində nəzərdə tutulmuş rütbə və ixtisas dərəcələrinin (dövlət qulluğunun baş müşaviri, dövlət qulluğunun müşaviri, dövlət qulluğunun kiçik müşaviri, 1-ci dərəcə dövlət qulluqçusu, 2-ci dərəcə dövlət qulluqçusu, 3-cü dərəcə dövlət qulluqçusu və kiçik dövlət qulluqçusu) hərbi rütbələrə uyğunlaşdırılması “Hərbi xidmətkeçmə haqqında Əsasnamə”yə əsasən keçirilən attestasiyanın nəticəsinə uyğun olaraq aparılır. Səfərbərlik zamanı hərbi xidmətə çağırılan xüsusi, diplomatik rütbəyə və ixtisas dərəcəsinə malik olan şəxsə münasibətdə xüsusi, diplomatik rütbələrin və ixtisas dərəcələrinin hərbi rütbələrə uyğunlaşdırılması aparılmır. Həqiqi hərbi xidmətdə saxlanılmaqla dövlət orqanına ezam olunaraq dövlət qulluğu vəzifəsinə təyin edilən hərbi qulluqçulara münasibətdə hərbi rütbələrin ixtisas dərəcələrinə uyğunlaşdırılması aparılmır. Bu Qaydanın Əlavəsinin 2.1−2.13-cü bəndlərində nəzərdə tutulan rütbələrin və ixtisas dərəcələrinin (dövlət qulluğunun baş müşaviri, dövlət qulluğunun müşaviri, dövlət qulluğunun kiçik müşaviri, 1-ci dərəcə dövlət qulluqçusu, 2-ci dərəcə dövlət qulluqçusu, 3-cü dərəcə dövlət qulluqçusu, kiçik dövlət qulluqçusu, dövlət qulluğunun baş referenti, dövlət qulluğunun böyük referenti, dövlət qulluğunun 1-ci dərəcə referenti, dövlət qulluğunun 2-ci dərəcə referenti dövlət qulluğunun 3-cü dərəcə referenti və dövlət qulluğunun kiçik referenti) qarşılıqlı uyğunlaşdırılması müvafiq dövlət orqanının rəhbəri tərəfindən həyata keçirilir. İxtisas dərəcələrinin və rütbələrin verilməsini təsdiq edən sənədlərə rütbənin və ixtisas dərəcəsinin verilməsi barədə əmrlərdən (sərəncamlardan və s.) çıxarışlar, əmək kitabçası, hərbi bilet və ya digər sənədlər aiddir. Bu halda rütbələrin və ixtisas dərəcələrinin qarşılıqlı uyğunlaşdırılması ilə əlaqədar mübahisə yarandıqda, müvafiq dövlət orqanı və ya şəxs bu barədə Azərbaycan Respublikasının Dövlət Qulluğunu İdarəetmə Şurasına və məhkəməyə müraciət edə bilər. Bu Qaydaya uyğun olaraq barəsində rütbələrin və ixtisas dərəcələrinin qarşılıqlı uyğunlaşdırılması aparılmış şəxs sonradan daha yüksək vəzifəyə (yuxarı təsnifat dövlət qulluğu vəzifəsinə və ya rütbə həddi yuxarı olan vəzifəyə) təyin olunduqda, həmin yüksək vəzifəyə əsasən yenidən uyğunlaşdırma aparılmasına yol verilir. Bu Qayda qüvvəyə minənədək dövlət qulluğunun xüsusi növünə aid dövlət orqanlarında rütbə nəzərdə tutulan vəzifədə qulluq (xidmət) keçmiş şəxs dövlət qulluğu vəzifəsinə və ya dövlət qulluğunun xüsusi növünə aid dövlət orqanlarında rütbə nəzərdə tutulan vəzifəyə qəbul edilmişdirsə və ya dövlət qulluğunda işləmiş şəxs dövlət qulluğunun xüsusi növünə aid dövlət orqanlarında rütbə nəzərdə tutulan vəzifəyə qəbul edilmişdirsə, həmin şəxslərin təyin olunduqları vəzifə üzrə rütbə həddi (vəzifə təsnifatı üzrə nəzərdə tutulmuş ixtisas dərəcələri) nəzərə alınmaqla, onların malik olduğu rütbə və ixtisas dərəcəsinin qarşılıqlı uyğunlaşdırılmasının aparılmasına yol verilir.