Sahibkarlıq

Ana səhifə

Sahibkarlıq

Bu il Azərbaycanda 38 müəssisə fəaliyyətini dayandırıb

24 aprel 2009 11:16 (UTC +04:00)

Bakı. Nicat Mustafayev – APA-Economics. Bu ilin yanvar-mart ayları ərzində Azərbaycanda 38 müəssisə və təşkilat fəaliyyətini dayandırıb və qanunvericiliyə uyğun şəkildə dövlət qeydiyyatı orqanları tərəfindən ləğv edilib, statistik vahidlərin dövlət registrindən çıxarılıb. «APA-Economics»in məlumatına görə, bunu Dövlət Statistika Komitəsinin (DSK) sədri Arif Vəliyev bildirib.
A.Vəliyevin sözlərinə görə, ləğv edilmiş müəssisələrin 18,4%-i «Topdan və pərakəndə ticarət; avtomobillərin və motosikletlərin təmiri» bölməsi, hər biri 13,2% olmaqla «Emal sənayesi» və «Tikinti» bölmələri, 10,5%-i «Nəqliyyat və anbar təsərrüfatı» bölməsi, qalanları isə digər bölmələrin payına düşüb.
«Bu dövrdə müxtəlif mülkiyyət formalı 1 532 yeni müəssisə yaradılıb ki, onların da 25,6%-i «Topdan və pərakəndə ticarət; avtomobillərin və motosikletlərin təmiri» bölməsi, 22,7%-i «Digər sahələrdə xidmətlərin göstərilməsi» bölməsi, 19,8%-i «Tikinti» bölməsi, 5%-i «Peşə, elmi və texniki fəaliyyət» bölməsi, 4,2%-i «Emal sənayesi» bölməsi, 3,9%-i isə «Kənd təsərrüfatı, meşə təsərrüfatı və balıqçılıq» bölməsinin payına düşüb», - deyə A.Vəliyev bildirib.
DSK-nın sədri həmçinin qeyd edib ki, 2009-cu il yanvarın 1-i ilə müqayisədə yanvar-mart ayları ərzində hüquqi şəxslərin sayı 1,7% artıb və aprelin 1-nə 87 598 nəfər olub.