Sahibkarlıq

Ana səhifə

Sahibkarlıq

Azərbaycanda bu il 199 sahibkarın investisiya layihəsinin icrasına 10 mln. manat güzəştli kredit ayrılıb

28 aprel 2009 14:46 (UTC +04:00)

Bakı. Nicat Mustafayev – APA-Economics. Azərbaycan İqtisadi İnkişaf Nazirliyi yanında Sahibkarlığa Kömək Milli Fondu (SKMF) tərəfindən ölkənin iş adamlarına verilən güzəştli kreditlərin hesabına Azərbaycanda 350 yeni iş yeri yaradılacaq.
SKMF-dan «APA-Economics»ə verilən məlumata görə, indiyədək Fond tərəfindən 199 sahibkarın investisiya layihəsinin icrası üçün bu il artıq 10 mln. manat həcmində kredit verilib: «Verilmiş kreditlər əsasən kənd təsərrüfatı, qablaşdırma, xalq sənəti, xalçaçılıq və digər sahələrə yönəldilib. Kredit almış sahibkarlar artıq yeni bazarlar tapmaq niyyətindədir».
Xatırladaq ki, SKMF vəsaiti bank-agentlərə kreditləri illik 1%, banklar isə sahibkarlara 7%-dən çox olmamaq şərti ilə ayırır. Sahibkarlara güzəştli kreditlərin verilməsi müvəkkil kredit təşkilatı kimi seçilmiş 29 kommersiya bankı, 1 bank olmayan kredit təşkilatı və 4 kredit ittifaqı vasitəsilə həyata keçirilir. Kreditin minimal məbləği 1 000 manat, maksimal məbləği isə 3 mln. manat təşkil edir. Bu il dövlət büdcəsindən SKMF-a güzəştli kreditlərin verilməsi məqsədilə 80 mln. manat vəsaitin ayrılması nəzərdə tutulub Ümumilikdə isə, Fondun xəzinə hesabına qaytarılacaq kredit məbləğləri və kredit faizləri də daxil olmaqla, 2009-cu ildə sahibkarlara 130 mln. manat məbləğində güzəştli kreditin verilməsi proqnozlaşdırılır.
Qeyd edək ki, 2002-ci ildən etibarən SKMF tərəfindən ümumilikdə 300 mln. manatdan artıq güzəştli kredit ayrılıb.