Sahibkarlıq

Ana səhifə

Sahibkarlıq

ADA Şirkətlər Qrupu Direktorlar Şurasının növbəti iclası keçiriləcək

19 may 2009 10:23 (UTC +04:00)

Bakı. Rəşad Süleymanov – APA-Economics. Yaxın günlərdə Beynəlxalq Maliyyə Korporasiyası (IFC) nümayəndələrinin iştirakı ilə ADA Şirkətlər Qrupu Direktorlar Şurasının növbəti toplantısı keçiriləcək. Bu barədə «APA-Economics»ə ADA Şirkətlər Qrupunun mətbuat xidmətindən məlumat verilib.

Toplantıda 2009-cu ilin yanvar-aprel aylarının nəticələri, «Almalı» şəbəkəsinin inkişaf perspektivləri, texnoloji yeniliklərin tətbiqi, xüsusi istehsalın inkişafı kimi məsələlər müzakirə olunacaq.

İclasda ADA Şirkətlər Qrupu Direktorlar Şurasının yeni üzvü, IFC-nin nümayəndəsi Yazqan Musannif də iştirak edəcək. Y.Musannif beynəlxalq aləmdə pərakəndəçilik sahəsi üzrə mütəxəssis kimi tanınır, bir sıra elmi əsərlərin və araşdırmaların müəllifidir.

Qeyd edək ki, indiyədək IFC-nin ADA Şirkətlər Qrupu Direktorlar Şurasındakı nümayəndəsi olmuş xanım Sibel Lazar Korporasiya tərəfindən layihənin reallaşdırılmasına nəzarət edəcək.

Xatırladaq ki, hazırda Azərbaycanın 3 böyük şəhərində yerləşən «Almalı» marketləri hər gün 40 mindən çox alıcıya xidmət göstərir. ADA Şirkətlər Qrupu 50 mln. ABŞ dollarına yaxın özəl kapitala, həmçinin regionda ən müasir Xüsusi Paylayıcı Mərkəzə Malikdir. Mərkəz məhsulların qəbulu, saxlanması və paylaşdırılmasını müasir dünya standartlarına uyğun həyata keçirir.