Sahibkarlıq

Ana səhifə

Sahibkarlıq

«Aksesuar İnşaat» Bakıda İspaniyanın «Porcelonasa Grupo» şirkətinin məhsullarının satış mağazasını açıb - FOTOSESSİYA

«Aksesuar İnşaat» Bakıda İspaniyanın «Porcelonasa Grupo» şirkətinin məhsullarının satış mağazasını açıb - <font color=red>FOTOSESSİYA</font>

10 iyun 2009 15:35 (UTC +04:00)

Bakı. Rəşad Süleymanov – APA-Economics. Bu gün Bakıda «Aksesuar İnşaat» şirkəti dünyada tanınmış İspaniyanın «Porcelonasa Grupo» şirkətinin məhsullarının satışını həyata keçirəcək mağazasını istifadəyə verib. «APA-Economics»in məlumatına görə, mağazanın açılış mərasimində «Porcelanosa Grupo»nun sahibi Silvestre Seqarra Seqarra, Türkiyənin Azərbaycandakı səfiri Hülusi Kılıç, «Aksesuar İnşaat»ın İdarə Heyətinin sədri Selamet Kanberoğlu, Yasamal rayon İcra Hakimiyyətinin başçısı İbrahim Mehdiyev, TUSİAB-ın sədri Yavuz Keleş və bir çox tanınmış memarlar iştirak edib.

«Azərbaycanı «Aksesuar İnşaat»la tanıdım», - deyən «Porcelanosa Grupo»nun sahibi Silvestre Segarra Segarra rəhbərlik etdiyi şirkətin Madrid, Nyu-York, Paris, Milan kimi şəhərlərdə inşaat malları və hamam aksesuarlarının satışını həyata keçirən mağazalarının olduğunu vurğulayıb. Bildirib ki, «Porcelanosa Grupo» Azərbaycanda «Aksesuar İnşaat» tərəfindən təmsil ediləcək.

«Porcelanosa Grupo»nun Azərbaycan təmsilçisi olan «Aksesuar İnşaat»ın İdarə Heyətinin sədri Selamet Kanberoğlu isə bildirib ki, müasir dövrlə uyğunlaşmanın yeganə yolu irəliləyiş və texnologiya ilə ayaqlaşmaqdır: «Bunun üçün də istehsalçı firmaların istehlakçılara, nəhayət alıcılara yeni alternativlər verməsi qaçılmaz bir gerçəklikdir. Bu gün «Aksesuar İnşaat» və «Porcelonasa Grupo»un işbirliyi ilə atılan bu addım, iqtisadi böhrana baxmayaraq, cəsarət və qərarlarımızın bir nümunəsidir».

Şirkət rəhbəri onu da qeyd edib ki, prezident İlham Əliyev tərəfindən iş dünyasına böyük dəstək verilir: «Azərbaycan iqtisadiyyatının inkişafı və müştərilərimizə daha yaxşı xidmət göstərmək yolunda var gücümüzlə çalışırıq. Hər bir müştərimizin öz sektorunda bu qərarlı və cəsarətli addımlara dəstək verəcəyinə də ürəkdən inanırıq».

S.Kanberoğlu qeyd edib ki, bu gün açılmış «Porcelonasa Grupo»un Bakı «Showroom»unda (sərgi salonu) dünya şirkətləri tərəfindən istehsal edilən seramik-fayans, SPA məhsulları, hamam aksesuarları, fasad örtükləri, həmçinin digər inşaat aksesuarları müştərilərə təqdim olunacaq.

S.Kanberoğlunun sözlərinə görə, «Porcelanosa Grupo» mağazası Azərbaycanda lüks və özəl inşaat aksesuarları sektorunda, həm pərakəndə, həm də layihə çərçivəsində müştərilərinə xidmət göstərən ilk konsept mağazadır: «Bu konsept evlərin, villaların və ya müştərilər üçün xüsusilik kəsb edən bir məkanın hamam, mətbəx, fitnes zalı, fasad və aksesuarlarına qədər «Porcelonasa» markası etimadında uyğunlaşa biləcəyi mənasına gəlir».

Qeyd edək ki, «Porcelanosa Grupo» 600 min kvadratmetrlik istehsal sahəsinə malikdir. Qrupun şirkətləri tərəfindən porselen yer və divar kafelləri, «Noken» markası ilə su qarışdıcıları, modern hamam mebeli, santexnika məhsulları, «Gama-Decor» markası ilə klassik və modern hamam-mətbəx mebelləri istehsal edilməklə bərabər, «Butech» markası ilə lüks profillər və inşaatda istifadə edilən kimyəvi maddələr istehsal edir. «Porcelanosa» eyni zamanda 100 ölkədə dizayn və keyfiyyət axtaran professionallar tərəfindən çox yaxşı bilinən və trendləri müəyyən edən bir markadır. İstehsalının 69%-ni dünyanın qabaqcıl ölkələrinə ixrac edir. Şirkətin dünyanın iri şəhərlərində 410 mağazası fəaliyyət göstərir.

«Aksesuar İnşaat» şirkəti isə 1985-ci ildən fəaliyyət göstərir. Güclü infrastrukturu və yüksək məhsul ehtiyatı ilə lüks inşaat sektorunda fəaliyyət göstərən «Aksesuar İnşaat» dekorasiya, memarlıq, layihə və son müştərilərinə Avropanın nüfuzlu markalarını idxal edərək xidmət göstərir. Şirkət inşaat materialları sektorunda dünyanın ən nüfuzlu markalarını müştərilərə təqdim edir. Müştərilərinin zövqləri və tələbatları istiqamətində memarlıq xidmətləri, quraşdırma və servis xidmətləri göstərir. «Aksesuar İnşaat» «Porcelonasa Grupo», «Jaccuzi Hatria», «Sicis», «Marazzi Group» başda olmaqla Avropanın 50 böyük markasını Azərbaycanda təqdim edir.