Sahibkarlıq

Ana səhifə

Sahibkarlıq

Bakıda “Valentino” mağazası açılır

16 sentyabr 2009 06:50 (UTC +04:00)

Bakı - APA. Bir neçə gündən sonra Bakıda “Valentino” mağazası açılacaq. APA-nın məlumatına görə, dünyanın ən iri dəb mərkəzlərində - Paris, Milan, London, Nyu-Yorkda olduğu kimi, Bakıda da bu məşhur markanın geyim və aksessuarları vahid konsepsiyalı mağazada təqdim ediləcək.

Qeyd edək ki, 2009-cu il Bakıda yüksək dəb sahəsində ən əlamətdar il sayıla bilər. “Gucci”, “Dolce&Gabbana”, “Dior” kimi ən məşhur brendlər paytaxtda öz mağazalarını məhz bu il açıb. “Valentino”nun açılışı isə bu sıranı tamamlayır.

Valentino italyan dəb sənətinin mübahisəsiz kralı hesab olunur. Düzgün biçimli “Valentino” geyimləri bədənin hər bir cizgisinə və hərəkətinə kübarlıq verərək, qadın zərifliyini ifadə etməsi ilə məşhurdur. Qadına cins geyimləri yaraşdırmayan Valentinonun geyimləri Hollivud ulduzlarının ən sevincli günlərdə seçimidir.

Valentino dəb aləmində yenilikləri ilə də məşhurdur. O, öz loqotipini məhsul üzərinə vuran ilk brend, həm qadın, həm də kişilər üçün hazır geyim tikən ilk italyan şirkətidir.

Təvazökarlıqla “Mən inqilabçı deyiləm. Amma öz qadınımı yeni ideyalarla geyindirmək üçün hər zaman yeni yollar tapıram” - deyən Valentinonun geyim və aksessuarları həmişə ən dəbli ideya və tendensiyaları əks etdirir.