Bank Of Baku

Saxlama müddəti ötmüş 110 kiloqram ərzaq məhsulları satışdan çıxarılaraq məhv edilib

Saxlama müddəti ötmüş 110 kiloqram ərzaq məhsulları satışdan çıxarılaraq məhv edilib
# 05 oktyabr 2009 15:21 (UTC +04:00)
Bakı. Nicat Mustafayev – APA-Economics. Azərbaycan İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, keçirilən monitorinq zamanı Bakının Sabunçu rayonunun Bakıxanov qəsəbəsində «Ruzi market»də, «Delfin market»də, «Ordubad market»də, «Allahverdi market»də, Bəhram Əhmədova məxsus ərzaq mağazasında, Xaçmaz şəhərində Sabir Daşdəmirova məxsus pərakəndə ticarət mağazasında ümumi çəkisi 110 kiloqrama yaxın saxlama müddəti ötmüş ərzaq məhsulları - kolbasa və qənnadı məmulatları, bitki yağları, süd və süd məhsulları, sərinləşdirici içkilər, ətirlər və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.

Qeyd edək ki, ümumiyyətlə, cari ilin mayın 17-dən etibarən aparılan nəzarət tədbirləri zamanı qanun pozuntusuna yol verdiyi müəyyən edilmiş 47 hüquqi şəxsə 181 min manat, 461 fiziki şəxsə 688 min manat cərimə tətbiq olunub.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR