Sahibkarlıq

Sahibkarlıq

Bakıda keçiriləcək «İnsan kapitalı. Dövlət. Biznes» adlı beynəlxalq konfransda 70-dən artıq şirkət və təşkilat iştirakını təsdiqləyib

10 noyabr 2009 08:00 (UTC +04:00)

Bakı. Nicat Mustafayev – APA-Economics. Bu ilin noyabrın 25-26-da Azərbaycan Rabitə və İnfıormasiya Texnologiyaları Nazirliyinin və «Access Bank»ın dəstəyi, həmçinin «Allianz Group» şirkətinin təşkilatçılığı ilə Bakıda keçiriləcək «İnsan kapitalı. Dövlət. Biznes» adlı I Beynəlxalq Konfransda 70-dən artıq dövlət müəssisəsi, şirkət və təşkilatların nümayəndələri iştirakını təsdiqləyib.

«APA-Economics»in məlumatına görə, bir sıra iqtisadçı, mütəxəssis, ictimai xadimin iştirak edəcəyi tədbirdə 10 məruzə, 5 təlim və 4 dəyirmi masa təşkil olunacaq. Konfrasda insan kapitalının inkişafında dövlətin və biznesin yeri və rolu, regionların və miqrasiyanın inkişafı, insan kapitalına yatırılan investisiyalar və digər bu kimi mövzularda məruzələr oxunacaq və müzakirələr aparılacaq . Çıxış edən məruzəçilər Rusiyanın «Mobilnıye TeleSistemı», «Texnosila», Azərbaycanın «Access Bank», Latviyanın «In Form Network», ABŞ-ın «Profiles International», Qazaxıstanın «Air-Astana», «DeltaCredit - Sosiete General Group» Rusiya-Fransa bankı və digər şirktələri təmsil edəcək.

Beynəlxalq tədbir haqqında əlavə məlumat almaq və konfransda qeydiyyatdan keçmək üçün “İnsan kapitalı. Dövlət. Biznes” I Beynəlxalq Konfransının meneceri Səfiyə Nizaməddinovaya müraciət etmək olar:
http://allianzgroup.az/conference
[email protected]
Tel.: (+99 412) 465 00 36/37, Mob.: (+99 455) 276 76 00.

APA İnformasiya Agentliyi beynəlxalq konfransın təşkilatçıları tərəfindən tədbirin rəsmi informasiya tərəfdaşı seçilib.