Sahibkarlıq

Ana səhifə

Sahibkarlıq

Bu ilin yanvar-oktyabr ayları ərzində Azərbaycanda 3 472,1 mln. manatlıq məhsul istehsal olunub

25 noyabr 2009 07:15 (UTC +04:00)

Bakı. Nicat Mustafayev – APA-Economics. Bu ilin yanvar-oktyabr ayları ərzində Azərbaycanda fəaliyyət göstərən emal bölməsinin müəssisələri və fərdi sahibkarları (ev təsərrüfatlarının sənaye istehsalı da nəzərə alınmaqla) tərəfindən 3 472,1 mln. manatlıq məhsul istehsal olunub, sənaye xarakterli xidmətlər göstərilib.

Dövlət Statistika Komitəsindən «APA-Economics»ə verilən məlumata görə, istehsalın daha çox hissəsi – içki və tütün də daxil olmaqla qida məhsullarının istehsalının payına düşüb. Qida məhsullarından şəkər istehsalı 3,7% artaraq 235,2 min ton, çay 9,1% artaraq 6,3 min ton, ət 8,3% artaraq 139,7 min ton, süd 3% artaraq 44,1 mln. dekalitr, kərə yağı 0,9% artaraq 12,2 min ton, şampan şərabı 12,2% artaraq 33,2 min dekalitr, pivə 11,6% artaraq 3,3 mln. dekalitr, araq isə 12% artaraq 687,8 min dekalitr olub.

Toxuculuq, tikiş, dəri, dəridən məmulatlar və ayaqqabı istehsalı ilə məşğul olan müəssisələr tərəfindən on ay ərzində 66,3 mln. manatlıq məhsul istehsal edilib. Yanvar-oktyabr aylarında pambıq ipliyin istehsalı 10,6%, pambıq yataq ağlarının istehsalı isə 2,4 dəfə artıb.

Geyim istehsalında da yüksək artım müşahidə olunur. Belə ki, kişi şalvarlarının istehsalı 3,6 dəfə, palto, gödəkcə və plaş istehsalı 40,6%, kostyum istehsalı 47,8% artıb. Bununla yanaşı, 2009-cu il noyabrın 1-nə bu sahələrin müəssisələrinin anbarlarında 29,1 mln. manatlıq və ya ölkə sənayesi üzrə olan hazır məhsul ehtiyatının 12,4%-i qədər hazır məhsul olub.