Sahibkarlıq

Ana səhifə

Sahibkarlıq

Azərbaycanın vergilər naziri Yeni ildən istifadə olunacaq bir sıra normativ sənədləri təsdiqləyib

11 dekabr 2009 13:28 (UTC +04:00)

Bakı. Rəşad Süleymanov – APA-Economics. Azərbaycanın vergilər naziri Fazil Məmmədov 2010-cu il yanvarın 1-dən istifadə olunacaq bir sıra normativ sənədləri təsdiq edib. Bu barədə «APA-Economics»ə Vergilər Nazirliyindən məlumat verilib.

Yanvarın 1-dən qüvvəyə minəcək sənədlərin bir çoxu elektron formada olacaq. Vergilər naziri tərəfindən təsdiq olunmuş sənədlər aşağıdakılardır:
“Elektron sənəd mübadiləsi haqqında Ərizə” forması, “Elektron sənəd mübadiləsi haqqında Müqavilə” forması, “Əlavə Dəyər Vergisinin bəyannaməsi”, “Əlavə Dəyər Vergisinin bəyannaməsinə Əlavə N 1”, “Əlavə Dəyər Vergisinin bəyannaməsinə Əlavə N 2”, “Əlavə Dəyər Vergisinin bəyannaməsinə Əlavə N 5” və onların tərtib edilməsi qaydaları, “Sadələşdirilmiş verginin bəyannaməsi” və onun tərtib edilməsi qaydası, “Muzdlu işlə əlaqədar ödəmə mənbəyində tutulan vergi bəyannaməsi”, “Muzdlu işlə əlaqədar ödəmə mənbəyində tutulan vergi bəyannaməsinə Əlavə N 2” və onların tərtib edilməsi qaydaları, “Ödəmə mənbəyində tutulan vergi bəyannaməsi”, “Mənfəət vergisinin bəyannaməsi” və onun tərtib edilməsi qaydası, “Xarici subpodratçılardan ödəmə mənbəyində tutulan vergi bəyannaməsi” və onun tərtib edilməsi qaydası, “İxrac məqsədli neft-qaz fəaliyyəti üzrə Podratçının aldığı gəlirləri barədə bəyannamə” və onun tərtib edilməsi qaydası, “Azərbaycan Respublikasında muzdlu işlə əlaqədar ödənilmiş gəlir vergisi haqqmda Qəbz”, “Verginin tutulması haqqında Qəbz”.

Vergilər naziri həmçinin kommersiya hüquqi şəxslərin dövlət qeydiyyatının təşkili və iqtisadi təhlil baş idarəsinə Avtomatlaşdırılmış Vergilər İnformasiya Sistemində (AVİS) müvafiq dəyişikliklərin 30 gün müddətində aparılmasını, vergi ödəyicilərinə xidmət idarəsinə isə təsdiq edilmiş formaların tətbiq edilməsi ilə əlaqədar onların Vergilər Nazirliyinin internet səhifəsində yerləşdirilməsini təmin etməyi və vergi ödəyicilərinin məlumatlandırılmasını tapşırıb.

Bu sənədlərin tətbiqi ilə əlaqədar olaraq hazırda bunları əvəz edən bir sıra normativ sənədlər yanvarın 1-dən qüvvədən düşəcək.