Sahibkarlıq

Ana səhifə

Sahibkarlıq

Saxlama müddəti ötmüş 340 kq ərzaq məhsulları satışdan çıxarılaraq məhv edilib

21 dekabr 2009 09:53 (UTC +04:00)

Bakı. Nicat Mustafayev - APA-Economics. Azərbaycan İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, keçirilən monitorinq zamanı Bakının Nəsimi rayonunda A.Məhərrəmov küçəsi, 7 ünvanında Sadiq Həsənova məxsus mağazada, C.Məmmədquluzadə küçəsi, ev 99, mənzil 1 ünvanında Əlövsət Mahmudova məxsus mağazada, C.Məmmədquluzadə küçəsi, ev 99 ünvanında Emin Cabbarova məxsus mağazada, Mərdanov Qardaşları küçəsi, ev 102 ünvanında «İlkin market»də, Xətai rayonunda F.Bayramov küçəsi 14, mənzil 6 ünvanında Lalə Abbasovaya məxsus mağazada, A.Cəlilov küçəsi ev 6 ünvanında «Dəniz-MP» MMC-yə məxsus «Dəniz market»də, 1130-33-cü məhəllə, N.Əliyev küçəsi, ev 38A ünvanında Möylə Əliyevə məxsus mağazada, həmçinin Ağstafa şəhərində «Qoşa qapı» ərzaq malları mağazasında, Mahir Rzayevə məxsus ərzaq malları mağazasında ümumi çəkisi 340 kq saxlama müddəti ötmüş ərzaq məhsulları, o cümlədən kolbasa və qənnadı məmulatları, yağlar, makaron məmulatları, süd və süd məhsulları, konservləşdirilmiş məhsullar, pivə, meyvə şirələri, sular, çay, kofe və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.