Sahibkarlıq

Sahibkarlıq

Azərbaycan paytaxtında daha 400 kq yararsız ərzaq məhsulları aşkarlanıb

18 yanvar 2010 13:47 (UTC +04:00)

Bakı. Rəşad Süleymanov – APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidmətinin son həftə ərzində keçirdiyi monitorinqlər zamanı bir sıra ticarət obyektində keyfiyyətsiz məhsulların satışı faktı aşkarlanıb. Bu barədə «APA-Economics»ə İqtisadi İnkişaf Nazirliyinin mətbuat xidmətindən məlumat verilib.

Nazirlikdən bildirilib ki, yoxlamalar zamanı Bakının Nərimanov rayonunda, Q.Şıxəliyev küçəsi, ev 17, mənzil 23 ünvanında yerləşən «Azər Market»də, A.Salamzadə küçəsi, 1104-cü məhəllədə yerləşən «Lyuks Market»də, Ə.Əliyev küçəsi,19 ünvanında Saraxanım Quliyevaya məxsus mağazada, Ə.Əliyev küçəsi,14 ünvanında Elxan İsmayılova məxsus mağazada, Nəsimi rayonunda, Xətai prospekti, ev 38 ünvanında «Aristokrat-Market» MMC-yə məxsus «Aristokrat Market»də, 20 Yanvar küçəsində Fəxrəddin İsmayılova məxsus mağazada, Nizami rayonunda, Ə.Hacıyev küçəsi, ev 19, mənzil 2 ünvanında «Gloriya Market»də, Ə.Hacıyev küçəsi, ev 19, mənzil 18 ünvanında «Vahid Market»də, Q.Qarayev prospekti, ev 81 ünvanında Afət Əlişovaya məxsus mağazada, Q.Qarayev prospekti, 54 ünvanında yerləşən «Sizin Market»də, Q.Qarayev prospekti, 126 ünvanında «Emil Market»də, Q.Qarayev prospekti, 39 ünvanında İlqar Qüdrətova məxsus mağazada, Q.Qarayev prospekti, 126 ünvanında Nailə Cəfərovaya məxsus ərzaq mağazasında, R.Rüstəmov küçəsi, ev 56 ünvanında «Bolluq Market»də, Yasamal rayonunda, M.Xiyabani küçəsində yerləşən «Yeni Yasamal Market»də, 11-ci Xrebtovı küçəsi, ev 188 ünvanında «Nuranə Market»də ümumi çəkisi 410 kq-dan çox saxlama müddəti ötmüş və mənşəyi məlum olmayan ərzaq məhsulları aşkar olunub. Həmin məhsullar satışdan çıxarılaraq məhv edilib.

Qanun pozuntusuna yol vermiş şəxslər barəsində inzibati cərimələr tətbiq olunacaq.