Sahibkarlıq

Ana səhifə

Sahibkarlıq

Azərbaycanda satışda olan «Xüsusi yağ» əmtəə nişanlı kombinə edilmiş yağın tərkibində ümumiyyətlə kərə yağı aşkar edilməyib

23 yanvar 2010 13:51 (UTC +04:00)

Bakı – APA. Azərbaycanın «Fazil» firmasının istehsal etdiyi «Xüsusi yağ» əmtəə nişanlı kombinə edilmiş yağın ümumi yağlılığının etiketindəki göstəricidən 4,1% az, nəmliyin kütlə payının isə normadan 5,9% çox olması və süd məhsullarına xas olmayan dad aşkar edilməsi ilə əlaqədar bu məhsulların istehsalı və satışının dayandırılması barədə firmaya icrası məcburi göstəriş verilib və firma barəsində antiinhisar qanunvericiliyinin pozulması əlamətləri üzrə iş qaldırılıb.

İqtisadi İnkişaf Nazirliyindən APA-ya verilən məlumata görə, müəssisənin anbarında olan 24,9 ton satışa hazır məhsulun standartları və normativ sənədlərin tələblərinə uyğun olmadığı müəyyən edilib. Belə ki, təsdiq olunmuş resupturaya və etiket göstəricilərinə əsasən, məhsulun tərkibində kərə yağı 38,0-35,0%, bitki yağları 34,15-29,87% təşkil etməli olduğu halda, müəssisənin anbarındakı hazır məhsulun tərkibində ümumiyyətlə, kərə yağı olmadığı aşkar edilib.

Aparılmış araşdırmalar nəticəsində «Fazil» firmasının istehsal etdiyi «Xüsusi yağ» əmtəə nişanlı kombinə edilmiş yağın palma və günəbaxan tipli yağların qarışığından ibarət olduğu müəyyənləşdirilib.