Sahibkarlıq

Ana səhifə

Sahibkarlıq

Bakıda transmilli şirkətlərdə iş və münasibətlərin tənzimlənməsinə həsr olunmuş konfrans keçirilir - FOTO

Bakıda transmilli şirkətlərdə iş və münasibətlərin tənzimlənməsinə həsr olunmuş konfrans keçirilir - <font color=red>FOTO</font>

22 fevral 2010 15:31 (UTC +04:00)

Bakı. Aynur Vəliyeva - APA-Economics. Bu gün Bakıda Kimya Sənayesi, Dağ-Mədən, Energetika və Müxtəlif Peşə İşçiləri Həmkarlar İttifaqlarının Beynəlxalq Federasiyası (İCEM) Fridrix Ebert Fondunun dəstəyi ilə Xəzəryanı ölkələrin neft və qaz sənayesi işçiləri həmkarlar ittifaqları üçün ikigünlük konfransa başlayıb.

“APA-Economics”in məlumatına görə, konfransda Azərbaycan və Rusiya yanacaq-energetika kompleksi işçiləri həmkarlar ittifaqlarının rəhbərləri və nümayəndələri, İCEM-in enerji sənayesi sektorunun prezidenti Lars Mire, İCEM-in enerji sənayesi və Şərqi və Mərkəzi Avropa üzrə məsul əməkdaşları Cim Katerson və Anatoli Surin, Neftqaztikinti Həmkarlar İttifaqı Beynəlxalq Konfederasiyasın baş katibi Məlik Mirzəyev və Fridrix Ebert Fondunun Azərbaycandakı nümayəndəliyinin təmsilçisi Rəşad Hüseynli də iştirak edirlər.

Transmilli şirkətlərlə iş və münasibətlərin tənzimlənməsinə həsr edilən konfransı Azərbaycan Həmkarlar İttifaqları Konfederasiyasının (AHİK) sədr müavini Aqil Dadaşov açaraq AHİK-in sədri, millət vəkili Səttar Mehbalıyevin təbrikini konfrans iştirakçılarına çatdırıb. O qeyd edib ki, tədbirin əsas məqsədi transmilli şirkətlərdə həmkarlar ittifaqlarının yaradılmasında konfederasiyaya yardımçı olmaqdır.

Konfrans iştirakçıları İCEM-in fəaliyyətinə öz münasibətlərini bildiriblər, onun işini təhlil ediblər və bu beynəlxalq quruma həyata keçirəcəyi tədbirləri daha da təkmilləşdirmək barədə dəyərli təklif və tövsiyələr veriblər.

Konfransın işində Azərbaycanda fəaliyyət göstərən transmilli şirkətlərin və ARDNŞ-nin nümayəndələri də iştirak edir.