Sahibkarlıq

Ana səhifə

Sahibkarlıq

1,7 tondan çox saxlama müddəti ötmüş ərzaq məhsulları satışdan çıxarılaraq məhv edilib

05 mart 2010 09:22 (UTC +04:00)

Bakı. Nicat Mustafayev – APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Sabunçu rayonunun Bakıxanov qəsəbəsində Sülh küçəsi, 2/20 ünvanında Cavanşir Abdullayevə məxsus mağazada, ev 1, mənzil 186 ünvanında yerləşən «Sona market»də, N.İsmayılov prospektində Eldar Dadaşova məxsus mağazada, Sülh küçəsi, 1 ünvanında «Qostronom market»də, Neftçilər küçəsi, 4 096 məhəllədə yerləşən «Eltun market»də, Gənclik küçəsi, 35 ünvanında Qəndəv Məmmədovaya məxsus mağazada, N.İsmayılov küçəsi, 78, mənzil 1 ünvanında «Türkanə market»də, Y.Əliyev küçəsi, ev 22, mənzil 1 ünvanında «Flaqman market»də, Ə.Kərim və Mədəniyyət küçələrinin kəsişməsində «1001 dad market»də, Y.Əliyev küçəsində Arzu Ələkbərovaya məxsus mağazada, M.Əmirov və S.Qocayev küçələrinin kəsişməsində yerləşən «Sabir market»də, Y.Əliyev küçəsi, ev 35 ünvanında Zahid Şəfizadəyə məxsus mağazada, Suraxanı rayonunun Qaraçuxur qəsəbəsində M.Süleymanov küçəsi, ev 4 ünvanında Eldar Dadaşova məxsus mağazada, C.Qurbanov küçəsi, 33 ünvanında Elşən Ağayevə məxsus mağazada, R.Qəmbərov küçəsində Sevinc Şərifovaya məxsus mağazada, M.Fətəliyev küçəsi, ev 1 ünvanında Xalis Əliyevə məxsus mağazada, Y.Əliyev küçəsi, 4 048-ci məhəllədə Bilqeyis Camalovaya məxsus ərzaq mağazasında, Y.Eyvazov küçəsi, ev 1 ünvanında «Ruzi market»də, həmçinin, Gəncə şəhərində Ə.Əliyev və A.Puşkin küçələrinin kəsişməsində, ev 86 ünvanında «Nicat market»də, C.Rəfibəyli küçəsi, 63A ünvanında Xəlil Əliyevə məxsus ərzaq mağazasında, H.Əliyev və Atatürk prospektlərinin kəsişməsində yerləşən «Royal market»də, Şəki şəhərində Bağbanlar küçəsində İlham Ramazanova məxsus ərzaq mağazasında, Quba şəhərində «Şəhər» bazarı ərazisində Valid Orucova məxsus mağazada ümumi çəkisi 1,7 tondan çox saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları, o cümlədən kolbasa, qənnadı məmulatları, yağlar, süd və süd məhsulları, makaron və un məmulatları, konservləşdirilmiş məhsullar, pivə, sərinləşdirici içkilər, meyvə şirələri, çay, uşaq yeməkləri və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati tədbirlər görüləcək.