Sahibkarlıq

Ana səhifə

Sahibkarlıq

Saxlama müddəti ötmüş 450 kq ərzaq məhsulları satışdan çıxarılaraq məhv edilib

11 mart 2010 14:25 (UTC +04:00)

Bakı. Nicat Mustafayev – APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Nizami rayonunda C.Naxçıvanski küçəsi, ev 4 ünvanında Məzahim Babayevə məxsus mağazada, E.Süleymanov küçəsi, ev 158A ünvanında «Məhəllə market»də, ev 114 ünvanında «Nağıl market»də, Q.Qarayev prospekti, ev 59A ünvanında «Xəzər market»də, E.Süleymanov küçəsi, 137 ünvanında Ramin Səfərova məxsus mağazada, Babək prospekti, ev 2/4, keçid 815 ünvanında Hüseyn Quliyevə məxsus mağazada, İ.Məmmədov küçəsi, 2/4 ünvanında Cəlil Cəbiyevə məxsus mağazada, B.Nuriyev küçəsi, 55/57 ünvanında Əhməd Əmirova məxsus mağazada, E.Süleymanov küçəsi, ev 158A ünvanında «Azəri market»də, Sumqayıt şəhərində M.Hüseynzadə küçəsi, 1-ci məhəllə, ev 2A ünvanında Fikrət Quliyevə məxsus ərzaq dükanında, 26-cı məhəllə, Dostluq küçəsi, ev 45 ünvanında «Ehtibar market»də, Məhəllə-7,8,12, ev 17A ünvanında «Fəxri market»də, 9-cu mikrorayon, «Şərq» bazarında «Viləş 98 market»də, 6-cı mikrorayonda Nişanə Cəfərovaya məxsus mağazada, 3-cü mikrorayon, Sülh küçəsində «Ən ucuz market»də, 17-ci mikrorayon, ev 48-in qarşı tərəfində «Aydan market»də, 9-cu mikrorayon, ev 29/26 ünvanında «Gülşən market»də, 10-cu mikrorayon, Koroğlu küçəsində Şamana Həsənovaya məxsus mağazada, Dəvəçi rayonunda H.Əliyev küçəsində Abbas Quliyevə məxsus mağazada ümumi çəkisi 450 kiloqram olan saxlama müddəti ötmüş və etiketlənməsi normativ-texniki sənədlərin tələblərinə uyğun olmayan ərzaq məhsulları, o cümlədən kolbasa, şəkər və qənnadı məhsulları, makaron və un məmulatları, balıq məhsulları, konservləşdirilmiş məhsullar, yağlar, süd və süd məhsulları, pivə, meyvə şirələri, sərinləşdirici içkilər, uşaq yeməkləri, çay və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində İnzibati Xətalar Məcəlləsinə uyğun olaraq inzibati tədbirlər görüləcək.