Sahibkarlıq

Ana səhifə

Sahibkarlıq

Bakıda Azərbaycan-Slovakiya biznes-forumu keçirilir - FOTOSESSİYA

Bakıda Azərbaycan-Slovakiya biznes-forumu keçirilir - <font color=red>FOTOSESSİYA</font>

15 mart 2010 08:19 (UTC +04:00)

Tədbir Azərbaycanda İxracın və İnvestisiyaların Təşviqi Fondu (Azpromo) və Slovakiya İnvestisiyaların və Ticarətin İnkişaf Agentliyinin təşkilatçılığı ilə keçirilir.

«APA-Economics»in məlumatına görə, tədbirin açılış mərasimində çıxış edən Azərbaycanın iqtisadi inkişaf nazirinin müavini Niyazi Səfərov ölkənin iqtisadi inkişafından danışıb, Azərbaycanda əlverişli biznes mühitinin yaradıldığını qeyd edib. Nazir müavini həmçinin bildirib ki, Azərbaycanla Slovakiya arasında ticarət dövriyyəsi hazırda 11 mln. ABŞ dollarından bir qədər çoxdur: «Lakin bu rəqəm nə Azərbaycanı, nə də Slovakiyanı qane edir. Belə ki, ticarət dövriyyəsini, o cümlədən ikitərəfli əməkdaşlığı inkişaf etdirmək üçün hər iki ölkənin kifayət qədər potensialı mövcuddur».

Tədbirdə çıxış edən M.Layçak öz növbəsində Slovakiyanın iqtisadi potensialından məlumat verib və qeyd edib ki, Slovakiya artıq avrozonaya qoşulma prosesinə başlayıb: «Artıq bir neçə Slovakiya şirkəti iqtisadiyyatın müxtəlif sahələrində Azərbaycan bazarına çıxıb. Ümid edirəm ki, həm Slovakiya şirkətlərinin Azərbaycanda, həm də Azərbaycan şirktələrinin Slovakiyada sayı gələcəkdə çoxalacaq».

Tədbirdə çıxış edən Slovakiyanın Azərbaycandakı səfiri Jozef Miqaş bildirib ki, iki ölkə arasında sıx əməkdaşlığın yaradılması üçün geniş potensial mövcuddur və səfirlik bu istiqamətdə lazımi addımlar atmağa hazırdır.

Öz növbəsində Azərbaycanın Slovakiyadakı səfiri Fuad İsmayılov iki ölkə arasındakı ticarət dövriyyəsinin böyk potensialın mövcudluğundan xəbər verdiyini, lakin bunu inkişaf etdirmək lazım olduğunu qeyd edib.

Daha sona «Azpromo»nun prezidenti Adil Məmmədov Azərbaycanda investisiya imkanlarına dair, Slovakiya İnvestisiyaların və Ticarətin İnkişaf Agentliyinin baş direktorunun müşaviri Aleksandr Skurla isə Slovakiyanın iqtisadi potensialına dair təqdimatlarla çıxış ediblər.

Qeyd edək ki, biznes-forumda Slovakiya və Azərbaycanın kənd təsərrüfatı, informasiya-kommunikasiya texnologiyaları, bank, tikinti, sənaye və digər sahələrdə fəaliyyət göstərən 40-a yaxın şirkətin nümayəndələri iştirak edir. Tədbir çərçivəsində iki ölkənin iş adamları arasında ikitərəfli görüşlərin keçirilməsi nəzərdə tutulub.