Sahibkarlıq

Ana səhifə

Sahibkarlıq

Saxlama müddəti ötmüş 1,6 tondan çox ərzaq məhsulları satışdan çıxarılaraq məhv edilib

03 may 2010 14:07 (UTC +04:00)

Bakı. Nicat Mustafayev - APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Binəqədi rayonunda Rəsulzadə qəsəbəsi, Davudoğlu küçəsi, ev 17 ünvanında Müşfiq Hüseynova məxsus ərzaq mağazasında, 8-ci mikrorayon, ev 34 ünvanında yerləşən «Nur market»də, 9-cu mikrorayon, A.Məmmədov küçəsi, 11 ünvanında yerləşən «Bizim market»də, Dairəvi küçəsi, ev 64 ünvanında yerləşən «Sənan market»də, 7-ci mikrorayon, S.S.Axundov küçəsi, ev 13/37 ünvanında yerləşən «Elşad market»də, S.S.Axundov küçəsi, ev 1 A ünvanında yerləşən «Aran market»də, Yasamal rayonunda N.Nərimanov prospekti, ev 9 ünvanında Ruhid Şükürova məxsus mağazada, N.Nərimanov meydanı, ev 5 ünvanında Elmira Quliyevaya məxsus mağazada, Şərifzadə küçəsi, ev 132, mənzil 48 ünvanında yerləşən «Əli market»də, Şərifzadə küçəsində Tural Abdullayevə məxsus topdan satış obyektində, Ə.Ələkbərov küçəsi, ev 1056 ünvanında Dilarə Qədirovaya məxsus mağazada, Nəsimi rayonunda C.Məmmədquluzadə küçəsi, ev 85 ünvanında Vüqar Əliyevə məxsus mağazada, Azadlıq prospekti, ev 108 ünvanında yerləşən «Elit market»də, Abşeron rayonunda Xırdalan şəhəri, 26-cı məhəllədə Adil Əhmədova məxsus obyektdə, Gəncə şəhərində D.Qorqud və H.Əliyev prospektlərinin kəsişməsində Hüseyn Səfərova məxsus ərzaq malları mağazasında, Quba şəhərində Avtovağzal ərazisində Nəriman Müslümova məxsus pərakəndə ticarət mağazasında ümumi çəkisi 1,6 tondan çox saxlama müddəti ötmüş və normativ-texniki sənədlərin tələblərinə uyğun olmayan ərzaq məhsulları, o cümlədən qənnadı məhsulları, kolbasa, süd məhsulları, un məmulatları, konservləşdirilmiş məhsullar, yağlar, sərinləşdirici içkilər, meyvə şirələri, pivə və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan İnzibati Xətalar Məcəlləsinə uyğun olaraq inzibati tədbirlər görüləcək.