Sahibkarlıq

Ana səhifə

Sahibkarlıq

Səbail rayonunda İstehlak mallarının keyfiyyətinə nəzarət üzrə İctimai Komissiya növbəti baxış keçirib - FOTO

Səbail rayonunda İstehlak mallarının keyfiyyətinə nəzarət üzrə İctimai Komissiya növbəti baxış keçirib - <font color=red>FOTO</font>

20 may 2010 07:55 (UTC +04:00)

Bakı - APA-Economics. Səbail rayonunda fəaliyyət göstərən obyektlərdə İstehlak mallarının keyfiyyətinə nəzarət üzrə İctimai Komissiya 20-ci yaşayış sahəsində baxış keçirib.

Səbail rayon İcra Hakimiyyəti başçısı Aparatının İctimai təşkilatlar və siyasi partiyalarla iş şöbəsinin müdiri İsrafil Kərimovun “APA-Economics”ə verdiyi məlumata görə, burada fəaliyyət göstərən kiçik mağaza və ictimai iaşə obyektlərinin çoxluğu və ərazinin mərkəzdən kənarda yerləşməsi həmin əraziyə daha çox diqqət yetirilməsini tələb edir.

Baxış zamanı Xanlar küçəsi 47, Gülbala Əliyev küçəsi 5 və 19, Ö.F.Nemanzadə küçəsi 33, Əhəd Yaqubov küçəsi 6, Bibiheybət yolu küçəsi 35 «a» ünvanlarında yerləşən mağazalarda 32 kiloqrama yaxın yararlıq müddəti ötmüş və etiketlənməsi normativ-texniki sənədlərin tələblərinə uyğun gəlməyən ərzaq məhsulları, istifadə müddəti ötmüş konserv məlumatları, çipslər, süd məmulatları, evdə hazırlanmış kulinariya məhsulları, biskvitlər satışdan çıxarılıb, ərzaq və qeyri-ərzaq mallarının bir yerdə satışının qarşısı alınmış, mağazaların sanitar-gigiyenik vəziyyətinə ciddi nəzarət olunub.

Gülbala Əliyev 5 və Əhəd Yaqubov 6 ünvanlarda natəmiz şəraitdə hazırlanan qutab və peraşki satışı Səbail rayon GEM tərəfindən sanitar norma və qaydalarına uyğun gəlməməsi səbəbindən dayandırılıb. Baxış zamanı mağazalar və satış yerlərində aşkar olunmuş keyfiyyətsiz və istifadə müddəti ötmüş kolbasa məmulatları, süd və süd məhsulları, qənnadı məmulatları, konservləşdirilmiş ərzaq məhsulları, mineral sular, mənşəyi məlum olmayan sərinləşdirici içkilər, uşaq yeməkləri və digər məhsullar komissiya üzvlərinin iştirakı ilə sahibkarların özləri tərəfindən istifadəyə yararsız hala salınaraq tullanılıb.

Ciddi pozuntuların aşkar olunduğu mağazaların sahiblərinə qarşı rayon GEM tərəfindən müvafiq cərimələr tətbiq olunub, satış yerlərində sanitariya norma və qaydalarına ciddi riayət olunması ilə bağlı müvafiq tapşırıqlar verilib, qida satışı ilə məşğul olan satıcıların mütəmadi olaraq həkim müayinəsindən keçirilməsinin vacibliyi onların nəzərinə çatdırılıb.

Yay mövsümü ilə əlaqədar rayonun qəsəbələrində və digər yaşayış sahələrində də mütəmadi olaraq bu kimi baxış-reydlərinin keçirilməsi qərara alınıb.