Sahibkarlıq

Ana səhifə

Sahibkarlıq

2 ton sement və saxlama müddəti ötmüş 663 kq ərzaq məhsulları satışdan çıxarılıb

03 iyun 2010 14:29 (UTC +04:00)

Bakı. Nicat Mustafayev - APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Yasamal rayonunda Ə.Ələkbərov və M.Rəhim küçələrinin kəsişməsi, 534-cü məhəllədə yerləşən «Sərvət market»də, Ə.Ələkbərov küçəsi, ev 13 A ünvanında Cəmilə Bayramovaya məxsus mağazada, Ə.Ələkbərov küçəsi, ev 12, mənzil 15 ünvanında yerləşən «Dadlı market»də, Ə.Ələkbərov küçəsi, 508-ci məhəllə, ev 8, mənzil 1 ünvanında yerləşən «Sünbül market»də, A.Şaiq küçəsi, ev 241 ünvanında yerləşən «Bibi» restoranında, Nəsimi rayonunda Nizami küçəsi, ev 81ünvanında yerləşən «Şaurma 1» kafesində, Nərimanov rayonunda Təbriz küçəsi, ev 99 ünvanında yerləşən «Uğur market»də, Təbriz küçəsi, ev 99, mənzil 53 ünvanında yerləşən «Real market»də, Yusifov küçəsi, ev 38, mənzil 2 ünvanında yerləşən «111market»də, F.Yusifov küçəsi, ev 51 ünvanında yerləşən «Aysel market»də, A.Nemətulla küçəsi, 80 ünvanında yerləşən «Zövq market»də, Xəzər rayonunda Mərdəkan qəsəbəsi, Avtovağzal ərazisində Zakir Mirzəyevə məxsus mağazada, Şağan qəsəbəsi, N.Məmmədov küçəsində yerləşən «Şağan market»də, Mərdəkan qəsəbəsi, Bakı-Mərdəkan şossesində Elşən Məmmədova məxsus mağazada, Mərdəkan qəsəbəsi, Yesenin küçəsində Zakir Cəfərova məxsus mağazada, B.Əliyev küçəsində Bəxtiyar Əhmədova məxsus mağazada, O.İsmayılov 7/ N.İsmayılov küçəsi, 1 ünvanında Eldar Muradova məxsus mağazada, B.Əliyev küçəsi, ev 15/1 ünvanında yerləşən «Pepsi market»də, Sabunçu rayonunda Bakıxanov qəsəbəsi, Mehmandarov küçəsi, 5A ünvanında Məmmədhüseyn Hüseynova məxsus dondurma mağazasında, Gəncə şəhərində İ.Qayıbov küçəsi, 175 A ünvanında yerləşən «Elit market»də, Yeni Gəncə qəsəbəsində Səfayət Savadovaya məxsus mağazada, Təbriz küçəsi, ev 84 ünvanında Arzu Quliyevə məxsus mağazada, Qəbələ rayonunda İ.B.Qutqaşınlı küçəsində yerləşən «Günəş mağaza»da, Siyəzən rayonunda H.Əliyev küçəsində yerləşən «Final market»də, Bərdə rayonunda H.Aslanov küçəsində yerləşən «İlqar market»də, Goranboy rayonunda H.Əliyev küçəsində Şəlalə Musayevaya məxsus mağazada, Borsunlu kəndində yerləşən «Final market»də, Ucar rayonunda Koroğlu küçəsində fiziki şəxs Rəşad Mehdiyevə məxsus mağazada, Füzuli rayonunda Bala Bəhmənli kəndində yerləşən «Paşa market»də, ümumi çəkisi 663 kq olan saxlama müddəti ötmüş və normativ-texniki sənədlərin tələblərinə uyğun olmayan ərzaq məhsulları, o cümlədən qənnadı məhsulları, kolbasa, süd və süd məhsulları, yağlar, konservləşdirilmiş məhsullar, un məhsulları, sərinləşdirici içkilər, alkoqollu içkilər və s. aşkar olunub, satışdan çıxarılaraq məhv edilib.

Bununla yanaşı, Bakı şəhəri, Nərimanov rayonu, Z.Bünyadov küçəsində Emin Nəbiyevə məxsus tikinti materiallarının satışı mərkəzində aparılan yoxlamalar zamanı 2 ton normativ-texniki sənədlərin tələblərinə uyğun olmayan sement aşkar edilərək satışdan çıxarılıb.

Qanun pozuntusuna yol vermiş şəxslər barəsində Azərbaycan İnzibati Xətalar Məcəlləsinə uyğun olaraq inzibati tədbirlər görüləcək.