Sahibkarlıq

Ana səhifə

Sahibkarlıq

Gələn həftə Bakıda Türkiyə şirkətlərinin iri sərgisi keçiriləcək

11 iyun 2010 10:36 (UTC +04:00)

«APA-Economics»in məlumatına görə, bu barədə bu gün keçirilən mətbuat konfransında sərginin təşkilatçısı olan Türkiyənin «Meridyen Uluslararası Fuarcılık» şirkətinin layihə direktoru Alpər Çəkic bildirib.

A.Çəkic qeyd edib ki, sərgidə tikinti avadanlıqları ilə yanaşı müxtəlif dəzgahlar, sənaye su təmizləmə sistemləri, elektrik, kəsici və bükücü avadanlıqlar, mədən dəzgahları, mişarlar və s. nümayiş olunacaq. Sərgiyə Türkiyədə müxtəlif avadanlıqların istehsalını həyata keçirən 59 şirkət qatılacaq. Şirkətlər avadanlıqlarını əyani şəkildə sərgiləyəcək.

Şirkətin Azərbaycan üzrə meneceri Anur Seçər isə qeyd edib ki, sərgiyə qatılan şirkətlərdən 12-nin Azərbaycanda distribütoru var. Sərgi iştirakçıları öz məhsullarını Azərbaycan bazarında tanıtdırmaq və tərəfdaş tapmaq niyyətindədir.

A.Seçər «Meridyen» şirkətinin 1998-ci ildən sərgilər təşkil etdiyini və hazırda hər il 60 ölkədə Türkiyə şirkətlərinin iştirakı ilə sərgilər keçirdiyini vurğulayıb. Şirkət rəsmisi müraciət olarsa, Azərbaycan şirkətlərinin də müxtəlif ölkələrdə təşkil olunan türk məhsullarının nümayiş olunduğu sərgilərdə iştirakını mümkün sayır.

Şirkət nümayəndəsi sərgi çərçivəsində ikitərəfli görüşlərin keçiriləcəyini də vurğulayıb.

Sərgidə Türkiyənin «Ayan Elektronik», «Maker Makina», «Akyapak», «İstanbul Elektrostatik» və s. kimi tanınmış şirkətlər öz məhsullarını sərgiləyəcək.

Qeyd edək ki, sərginin təşkilatçıları sırasında Türkiyə Xarici Ticarət Katibliyi də çıxış edir.