Sahibkarlıq

Ana səhifə

Sahibkarlıq

Bakıda daha bir partiya «Səhliyalı» kolbasaları satışdan çıxarılıb

23 iyun 2010 14:47 (UTC +04:00)

Bakı. Nicat Musatfayev - APA-Economics. Azərbaycanın ticarət şəbəkəsindən 28 kq kolbasa və 83 kq süd məhsulları satışdan çıxarılıb.

Azərbaycan İqtisadi İnkişaf Nazirliyiqdən «APA-Economics»ə verilən məlumata görə, nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən «Səhliyalı» kiçik müəssisəsinə, üzərində saxlama müddəti normativ sənədlərlə müəyyən edilmiş müddətdən artıq göstərilmiş 360 kiloqramdan çox kolbasaların satışının dayandırılması, habelə bu kolbasaların və laborator müayinələr nəticəsində tərkibində bağırsaq çöpü aşkar edilmiş süd məhsullarının satışdan çıxarılması barədə icrası məcburi göstəriş verilib.

Dövlət Xidmətinə təqdim edilmiş məlumata əsasən, müəssisə tərəfindən 28 kq kolbasa və 83 kq süd məhsulları ticarət şəbəkəsindən geri yığılıb. Bununla əlaqədar satışı dayandırılmış və ticarət şəbəkəsindən geri yığılmış 473 kq kolbasa və süd məhsullarının, həmçinin müəssisənin anbarında olan saxlama müddəti ötmüş və mənşəyi məlum olmayan 64 kq xammalın, üzərində saxlama müddəti normativ sənədlərlə müəyyən edilmiş müddətdən artıq göstərilmiş 1 250 metr bükmə materialın və 450 ədəd etiketin məhv edilməsi barədə Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən «Səhliyalı» kiçik müəssisəsinə icrası məcburi göstəriş verilib, həmin mallar qanunvericiliyin tələblərinə uyğun olaraq məhv edilib.