Sahibkarlıq

Ana səhifə

Sahibkarlıq

Bakının bir neçə tanınmış restoranında saxlama müddəti ötmüş məhsullar aşkarlanıb

08 iyul 2010 13:21 (UTC +04:00)

Bakı. Nicat Mustafayev - APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Nəsimi rayonunda 4-cü mikrorayon, Cavad xan küçəsi, ev 76 ünvanında yerləşən «Saraçlı» kafesində, Tolstoy küçəsi 156, mənzil 1 ünvanında yerləşən «L Gusto» restoranında, Xətai rayonunda Əhmədli qəsəbəsində, M.Rüstəmov küçəsi, ev 34 C ünvanında yerləşən «Nülufər» şadlıq sarayında, Yasamal rayonunda Z.Xəlilov küçəsi, 553-cü məhəllədə yerləşən «Şeraton» restoranında, H.Cavid prospekti, ev 17, mənzil 18 ünvanında yerləşən «Sevimli dad market»də, Səbail rayonunda R.Rza küçəsi, ev 3, mənzil 5 ünvanında yerləşən «Anadolu» restoranında, Nizami rayonunda M.Şərifli küçəsi, 1B ünvanında «İllac» MMC-yə məxsus mağazada, Nəsimi küçəsi, ev 18 ünvanında yerləşən «Natiq market»də, Abşeron rayonunun Mehdiabad qəsəbəsində İradə Ağamirzəyevaya məxsus mağazada, Mehdiabad qəsəbəsi, ev 28 May ünvanında yerləşən «Bərəkət market»də, Üzümçü küçəsi, 12 A ünvanında yerləşən «Lider market»də, Binəqədi rayonunda Binəqədi şossesi, 2-ci mədən ünvanında yerləşən «Lider market»də, Balaxanı şosesində Vüqar Orucova məxsus mağazada, S.Məmmədova küçəsi, 207 ünvanında yerləşən «Kral ət məhsulları market»də, Binəqədi şossesi, ev 8 ünvanında yeləşən «Aromat market»də, Tərtər rayonunda H.Əliyev prospektində Fizuli Nisanova məxsus mağazada, Sabunçu rayonunda Bakıxanov qəsəbəsi, M.Fətəliyev prospekti, ev 53 ünvanında yerləşən «Gloriya market»də, Xaçmaz rayonunda N.Nərimanov küçəsində İlham Ramazanova məxsus mağazada, Zərdab rayonunda Azərbaycan küçəsi, 41 ünvanında yerləşən «Mayak» mağazasında, Azərbaycan küçəsi, 53 ünvanında yerləşən «Üfüq market»də, Şəmkir rayonunda S.Vurğun küçəsi 127 ünvanında Rauf Hacıyevə məxsus mağazada, S.Qurbanov küçəsində yerləşən «Cırtdan market»də, Göygöl rayonunda Aşıqlı kəndində yerləşən «Anadolu market»də, S.Hacıyev küçəsi, 71B ünvanında Tarix Nəsirova məxsus mağazada, Gəncə şəhərində Ə.Əliyev küçəsi 91 ünvanında İlqar Mirzəliyevə məxsus mağazada, F.Əmirov küçəsi ilə İ.Cəfərov küçəsinin kəsişməsində yerləşən «Anar market»də, Ağdaş rayonunda H.Əliyev prospektində Rəhim Nəbiyevə məxsus mağazada, Ucar rayonunda Azərbaycan küçəsində Nüsrət Mehdiyevə məxsus mağazada, Azərbaycan küçəsində Zeynal Əhmədova məxsus mağazada ümumi çəkisi 546 kq olan saxlama müddəti ötmüş və normativ-texniki sənədlərin tələblərinə uyğun olmayan ərzaq malları, o cümlədən qənnadı məhsulları, süd və süd məhsulları, kolbasa, yağlar, balıq və digər dəniz məhsulları, konservləşdirilmiş məhsullar, sərinləşdirici içkilər, pivə, uşaq yeməkləri və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan İnzibati Xətalar Məcəlləsinə uyğun olaraq inzibati tədbirlər görüləcək.