Sahibkarlıq

Ana səhifə

Sahibkarlıq

Azərbaycan bazarında daha 500 kq yararsız ərzaq malları aşkarlanıb

30 avqust 2010 13:30 (UTC +04:00)

Bakı. Nicat Mustafayev – APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Səbail rayonunda Salyan şossesi,2 ünvanında yerləşən «Kral market»də, Binəqədi rayonunda 3-cü mədən, Binəqədi şossesində yerləşən «Qardaşlar market»də, Azadlıq pr-ti,155 ünvanında yerləşən «NR Kompani market»də, Nəsimi rayonunda Ak.H.Əliyev küçəsi, 1030-cu məhəllədə yerləşən «Nurgül market»də, R.Behbudov küç.,46 ünvanında yerləşən «Rəşad market»də, Nərimanov rayonunda N.Hacıyev küç.,7 ünvanında yerləşən «Abşeron market»də, İ.Hidayətzadə küç.,1911-ci məhəllədə yerləşən «Ata market»də, F.Yusifov küç.,ev 43, mənzil 17 ünvanında yerləşən «Çinar market»də, Mayakovski küçəsi,ev 11/13, mənzil 5 ünvanında yerləşən «Ləman market»də, Həsənoğlu küç.,851-ci məhəllə, ev 10 ünvanında yerləşən «Əsmər market»də, Lənkəran rayonunda Koroğlu küçəsində Zakir Lətifova məxsus mağazada, Tərtər rayonunda Nizami küçəsində Zəminə Abbasovaya məxsus mağazada, ümumi çəkisi 500 kq-a yaxın saxlama müddəti ötmüş ərzaq malları, o cümlədən qənnadı məhsulları, süd və süd məhsulları, kolbasa, yağlar, konservləşdirilmiş məhsullar, sərinləşdirici içkilər, meyvə şirələri, pivə və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində İnzibati Xətalar Məcəlləsinə uyğun olaraq inzibati cərimələr tətbiq olunacaq.