Sahibkarlıq

Sahibkarlıq

Saxlama müddəti ötmüş 355 kq ərzaq məhsulları satışdan çıxarılaraq məhv edilib

06 sentyabr 2010 15:15 (UTC +04:00)

Bakı. Nicat Mustafayev - APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Səbail rayonunda N.Rəfibəyli küçəsi, 37 ünvanında yerləşən «Anar market»də, Q.Abbasov küçəsi, ev 74, mənzil 1 ünvanında yerləşən «Yaşıl market»də, Badamdar qəsəbəsi, Badamdar şossesi, 139 ünvanında yerləşən «Kamran market»də, Badamdar qəsəbəsi, 1-ci yaşayış massivi, ev 296 ünvanında yerləşən «Citimart supermarket»də, Nizami küçəsi, ev 58 ünvanında Telman Qasımova məxsus mağazada, Bayıl qəsəbəsi, Q.Abbasov küçəsi, 56 ünvanında yerləşən «Real market»də, Xətai rayonunda A.Ələsgərov küçəsi, ev 2 ünvanında Bayram Abbasova məxsus mağazada, M.Hadi küçəsi ilə X.Məmmədov küçəsinin kəsişməsi, 2944-cü məhəllədə yerləşən «Məhəllə market»də, M.Hadi küçəsi ilə X.Məmmədov küçəsinin kəsişməsi, 2944A, bina 8 ünvanında yerləşən «Alim market»də, M.Hadi küçəsi, ev 68B ünvanında yerləşən «Elnur market»də, Nizami rayonunda Nəsimi küçəsi, 25/20 ünvanında yerləşən «Tural market»də, Nəsimi küçəsi, ev 28 ünvanında yerləşən «Aytən market»də, Nəsimi küçəsi, məhəllə 2520-2521 ünvanında yerləşən «Müşfiq market»də, Nəsimi rayonunda M.Əliyev küçəsi, 179 ünvanında yerləşən «İsgəndər market»də, Ucar rayonunda 20 Yanvar küçəsində Müşfiq Muxtarova məxsus mağazada, Xaçmaz rayonunda Nərəcan kəndində Samir Ağayevə məxsus mağazada, Ağdam rayonunda Quzanlı qəsəbəsində Bəxtiyar Ələsgərova məxsus mağazada, Gədəbəy rayonunda H.Əliyev prospektində Vüqar Ruşanova məxsus mağazada, Lənkəran rayonunda Mirzə Möhsün Axund, 76 küçəsində Elşən Məlikova məxsus mağazada, ümumi çəkisi 355 kq olan saxlama müddəti ötmüş və normativ-texniki sənədlərin tələblərinə uyğun olmayan ərzaq malları, o cümlədən qənnadı məhsulları, süd və süd məhsulları, kolbasa, yağlar, un məmulatları, konservləşdirilmiş məhsullar, sərinləşdirici içkilər, meyvə şirələri, pivə və s. aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.