Sahibkarlıq

Ana səhifə

Sahibkarlıq

Saxlama müddəti ötmüş 367 kq ərzaq malları satışdan çıxarılaraq məhv edilib

02 dekabr 2010 15:20 (UTC +04:00)

Bakı. Nicat Mustafayev - APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Nəsimi rayonunda Azadlıq prospekti, 43 ünvanında Rüstəm Rəsulova məxsus mağazada, Azadlıq prospekti, 43 ünvanında Cabir Abdullayevə məxsus mağazada, Ş.Əzizbəyov küçəsində Qətibə Ağasıyevaya, Mübariz Mustafayevə və Xaləddin Nəzərova məxsus mağazalarda, Ş.Əzizbəyov küçəsi, ev 148 ünvanındakı «E&İ market»də, 4-cü mikrorayon, H.Seyidzadə küçəsi, ev 2 ünvanında yerləşən «XXI əsr market»də, H.Seyidzadə küçəsində «Əjnovur market» və «Tuqay market»də, Ə.Salamzadə küçəsi, 31 ünvanındakı «Bakı market»də, 20 Yanvar küçəsi, 33 ünvanında yerləşən «Papanin market»də, Binəqədi rayonunda M.Cəlal küçəsi, ev 117, mənzil 1 ünvanındakı «Qaya market»də, 9-cu mikrorayon, A.Məmmədov küçəsi, ev 10 ünvanında yerləşən «İlqar market»də, S.Məmmədova küçəsində yerləşən «Şah market»də və «Abşeron market»də, İ.Həşimov küçəsində Rauf Mirzəyev və Röyal Həsənova məxsus mağazalarda, Abşeron rayonunda Mehdiabad qəsəbəsində yerləşən «Lider» mağazasında, Cəlilabad rayonunda H.Əliyev prospektində Polad Cəfərova məxsus mağazada, Qusar rayonunda İmamqulu kəndində Zərli Əliheydərovaya məxsus mağazada, Gəncə şəhərində Ə.Əliyev küçəsi ilə S.Rəhimov küçəsinin kəsişməsində Gəncə Şəhər Kooperativ Cəmiyyətinə məxsus mağazada, Ağcabədi rayonunda M.Ə.Rəsulzadə küçəsində Valeh Həsənova məxsus mağazada və «Dostluq super market»də, Tərtər rayonunda «Ağdam dördyolu» adlanan yerdə yerləşən «Ağdam topdan satış market»də, ümumi çəkisi 367 kq olan saxlama müddəti ötmüş və normativ-texniki sənədlərin tələblərinə uyğun olmayan ərzaq malları, o cümlədən qənnadı məhsulları, süd və süd məhsulları, ət məhsulları, konservləşdirilmiş məhsullar, balıq və digər dəniz məhsulları, un məmulatları, yağlar, sərinləşdirici içkilər, meyvə şirələri, pivə və s. aşkar olunub, satışdan çıxarılaraq məhv edilib.

Antiinhisar Siyasəti və İstehlakçıların Hüquqlarının Müdafiəsi Dövlət Xidməti tikinti materialları bazarında da nəzarət tədbirlərini davam etdirir. Belə ki, nəzarət tədbirləri zamanı Səbail rayonu, Badamdar şosesi, ev 27 ünvanında «Dübəndi» firmasına məxsus mağazada 75,5 kq saxlama müddəti ötmüş və etiketlənməsi normativ sənədlərin tələblərinə uyğun olmayan boya, yapışqan və s. tikinti materialları aşkar edilərək satışının qarşısı alınıb.

Qanun pozuntusuna yol vermiş şəxslər barəsində Azərbaycan İnzibati Xətalar Məcəlləsinə uyğun olaraq inzibati cərimələr tətbiq olunacaq.