Sahibkarlıq

Ana səhifə

Sahibkarlıq

Azərbaycanda investorların noyabrda ən çox maraq göstərdiyi sahələr müəyyənləşib

08 dekabr 2010 10:56 (UTC +04:00)

Yeni yaradılan hüquqi şəxslər müxtəlif sahələrdə fəaliyyət göstərəcək.

Vergilər Nazirliyindən «APA-Economics»ə verilən məlumata görə, yeni strukturlar kənd təsərrüfatı, turizm, təhsil, hüquq və konsaltinq xidmətləri, nəqliyyat, ticarət, texnologiyalar, tikinti və infrastruktur, səhiyyə, sənaye-enerji sektoru, maliyyə və başqa sahələrdə fəaliyyət göstərəcək.

Belə ki, noyabr ayında ölkədə kənd təsərrüfatı və ərzaq istehsalı üzrə fəaliyyət göstərəcək azı 12 şrkət yaradılıb. Bunların 3-ü quşçuluq və broyler, 4-ü ərzaq məhsalları, o cümlədən şirniyyət istehsalçılarıdır. Aqrar sahəyə aid şirkətlərin 9-u regionlarda, 2-si Abşeron rayonunda, 1-i Bakıda yaradılıb.

Ötən ay turizm şirkətlərinin siyahısı daha 7 şirkətlə genişlənib. Bunlardan 1-i Gəncədə yaradılıb. Şirkətlərdən 2-ni Türkiyə tərəfi təsis edib.

Noyabrda qeydiyyatdan keçən şirkətlərin 8-i idman klubları və idmanla əlaqəsi olanlardır. Bura velosiped, avtomobil, boks, voleybol və s. idman növləri üzrə ixtisaslaşan təsisatlar daxildir. Klubların yarısı regionların payına düşür.

Ötən ay ölkədə daha 3 tibb mərkəzi yaradılıb, ümumilikdə noyabrda səhiyyə sektoru üzrə qeydiyyatdan keçən şirkətlərin sayı 8 olub. Aptek və tibb mərkəzləri ilə yanaşı, dərman və tibbi ləvazimatların istehsalı müəssisəsi də qeydiyyaatdan keçib.

Qedyiyyat prosesi həmçinin ölkədə hüquqi xidmətlərə marağın sürətlə artdığını göstərir – noyabrda hüquqi xidmətlər göstərən 9 şirkət qeydiyyatdan keçib. Bunların 1-i Sumqayıtdadır.

Ötən ay media biznesinin sıraları da genişlənib – 2 qəzet, 1 informasiya agentliyi, ümumilikdə 8-dən çox media ilə əlaqəli təsisat yaradılıb.

Təhsil-tədris mərkəzləri ölkənin regionlarında da yayılmağa başlayıb – noyabrda ölkədə qeydiyyatdan keçən 5 tədris mərkəzi və hazırlıq kurslarından 3-ü regionlardadır.

Noyabr ayında şirkət yaratmaq baxımından xaricilərin ən çox maraq göstərdiyi sahə tikinti və infrastruktur olub. İnfrastruktur şirkətlərinin əksəriyyəti xarici şirkətlərlə birgə yaradılıb. Bundan başqa, ötən ay 9 tikinti şirkəti yaradılıb ki, bunların 3-ü regionların payına düşür.

Ötən ay həmçinin 2 kredit ittifaqı qeydiyyatdan keçib.