Sahibkarlıq

Ana səhifə

Sahibkarlıq

Mart-aprel aylarında İstanbulda böyük endirimlər olacaq

16 dekabr 2010 11:56 (UTC +04:00)

Bu, şəhərdə ilk dəfə keçirilən «Shopping Festival» ticarət festifalı çərçivəsində təşkil olunacaq. Bu barədə «APA-Economics»ə «Türkiyə Hava Yolları» (THY) aviaşirkətinin Marketinq və satış Departamentinin Şərqi Avropa və Balkan ölkələri üzrə müdir müavini Mehmet Başpinar bildirib.

Festivalın martın 18-dən aprelin ortalarına qədər davam edəcəyi gözlənilir. THY avişirkəti və şəhərin iri ticarət şirkətlərinin və digər qurumların birgə təşkilatçılığı ilə keçirləcək ticarət festifalı müddətində şəhər regionun ticarət mərkəzinə çevrilməlidir. İstanbulun bütün iri ticarət şirkətlərinin bu aksiyada iştirak edəcəyini bildirən M.Başpinarın sözlərinə görə, festival zamanı azı 15%-dən başlayan endirimlər nəzərdə tutulur: «Şəhərin bütün satış məntəqələri bu tədbiri dəstəkləyir».

M.Başpinar bildirib ki, festival dövründə İstanbula aviareyslərlə gələn sərnişinlərin sayının artması üçün güzəştlər və endirimlər də nəzərdə tutulub. Bunlardan biri sərnişinlərin geriyə uçarkən normadan əlavə yükə görə, ödədiyi daşıma haqqının azaldılması olacaq: «Bu, sərnişinlərə daha çox mal almaq imkanı yaratmaq üçün tətbiq ediləcək». Hazırda şirkət mütəxəssisləri yüklərin gözlənilən artımı ilə bağlı texniki məsələləri həll etməklə məşğuldurlar. Müdir müavini həmin dövrdə biletlərin qiymətində də dəyişikliklərin ola biləcəyini istisna etməyib: «Amma hələlik bu məsələ dəqiqləşməyib».