Sahibkarlıq

Ana səhifə

Sahibkarlıq

Barak Obama özəl sektoru ABŞ iqtisadiyyatına 2 trln. dollar sərmayə qoymağa çağırıb

08 fevral 2011 08:48 (UTC +04:00)

Bakı - APA-Economics. Prezident Barak Obama ölkənin biznes ictimaiyyətini ABŞ iqtisadiyyatını dəstəkləməyə çağırıb.

“APA-Economics”in “Associated Press”ə istinadən xəbərinə görə, prezident bildirib ki, şirkətlərin icraçı direktorları “oyuna daxil olmalı” və sərmayə qoymağa başlamalıdırlar. Onun fikrincə, investisiyaların həcmi 2 trln. dollar olmalıdır.

B.Obama özəl sektorla əməkdaşlıq münasibətlərinin qurulmasının zəruri olduğunu bildirib: “Hökumət və biznes kollektiv məsuliyyət daşıyırlar. Biz Amerikanı biznes üçün ən əlverişli yer etməyə çalışdığımız kimi, biznes də Amerika qarşısında məsuliyyət daşımalıdır”.

Fikirlərinə aydınlıq gətirən dövlət başçısı özəl sektoru daha çox işçi qəbul etməyə, ölkə iqtisadiyyatını dəstəkləməyə və milli maraqlara sərmayə qoymağa çağırıb.

Ağ Ev rəhbəri ölkənin nailiyyətləri qarşısında duran maneələri dağıtdıqlarını, yeni imkanlar aradıqlarını və ABŞ məhsulları üçün yeni bazarlar açdıqlarını qeyd edib: “Dövlət Amerika biznesini, işçilərini və məhsullarını irəli aparmaq üçün hər şey edir. Hazırda panama və Kolumbiya ilə ticarət sazişlərinin bağlanması, eləcə də Rusiyanın beynəlxalq ticarət sisteminə daxil olması üzərində iş aparırıq”.