Sahibkarlıq

Ana səhifə

Sahibkarlıq

Saxlama müddəti ötmüş 490 kq ərzaq malları satışdan çıxarılıb

24 fevral 2011 16:02 (UTC +04:00)

Bakı. Vahab Rzayev - APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-ECONOMICS»ə verilən məlumata görə, monitorinq zamanı Bakının Nəsimi rayonunda S.Əsgərova küçəsində Valeh Davudova və Rəfail İbrahimova məxsus mağazalarda, S.Rəhimov küçəsi, ev 190 ünvanında yerləşən “Dərya mini market”də, Nizami rayonunda Q.Qarayev prospekti, 3 ünvanında yerləşən “Dadım market”də, B.Nuriyev küçəsi, 20/116 F ünvanındakı “Qardaşlar market”də, Keşlə qəsəbəsi, Sabir küçəsindəki “Əbülfət market”də və Xalidə Qarayevaya məxsus mağazada, S.Rəhimov küçəsi, 207 ünvanında “Altı qardaş” müəssisəsinə məxsus mağazada, Binəqədi rayonunda 7-ci mikrorayon, ev 158 ünvanında yerləşən “Bərəkət market”də, S.S.Axundov küçəsi, 85A ünvanındakı “Universal market”də, H.Hüseynov küçəsi, ev 13 ünvanında Hilal Verdiyevə məxsus mağazada, Şəmkir şəhərində S.Vurğun küçəsində yerləşən “Zümrüd market”də, M.Əsədov küçəsindəki “Maşallah market”də, Vidadi küçəsində Yasin Rüstəmova məxsus mağazada, Xaçmaz şəhərində H.Seyidbəyli küçəsində Xasay Məmmədova məxsus mağazada, Şəki şəhərində Axundov prospektində Şaiq Feyzullayevə məxsus mağazada, Şəki rayonunda Aşağı Göynük kəndində Vüqar Əliyevə məxsus mağazada, Mingəçevir şəhərində 20 Yanvar küçəsi, 41 ünvanında yerləşən “Market-2003”də ümumi çəkisi 490 kiloqrama yaxın olan saxlama müddəti ötmüş və normativ-texniki sənədlərin tələblərinə uyğun olmayan ərzaq malları aşkar olunmuş, satışdan çıxarılaraq məhv edilib.

Nazirlikdən “APA-Economics”ə verilən məlumata görə, qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaq.