Sahibkarlıq

Ana səhifə

Sahibkarlıq

Bakıda Azərbaycan və Belarus iş adamları arasında görüş keçirilib - FOTO

Bakıda Azərbaycan və Belarus iş adamları arasında görüş keçirilib - <font color=red>FOTO</font>

11 mart 2011 09:39 (UTC +04:00)

Bakı. Nicat Mustafayev – APA-Economics. Bu gün Bakıda Azərbaycan İqtisadi İnkişaf Nazirliyinin dəstəyi, Azərbaycanda İxracın və İnvestiyaların Təşviqi Fondunun (Azpromo) və Belarusun Azərbaycandakı səfirliyinin təşkilatçılığı ilə Azərbaycan və Belarus iş adamları arasında işgüzar görüş keçirilib. «APA-Economics»in məlumatına görə, tədbirdə Azərbaycan və Belarus tərəfindən kənd təsərrüfatı və qida sənayesi sahəsində fəaliyyət göstərən 30-a yaxın iş adamı iştirak edib.

Tədbirdə çıxış edən Azpromo-nun prezidenti Adil Məmmədov Azərbaycanın iqtisadi imakanlarına dair təqdimatla çıxış edərək, ölkənin biznes və investisiya mühiti barədə məlumat verib və bildirib ki, son 15 il ərzində Azərbaycan iqtisadiyyatına 95 mlrd. ABŞ dolları həcmində investisiya yatarılıb ki, bunun 55 mlrd. dolları xarici sərmayə olub: «Son 15 il ərzində ölkə iqtisadiyyatının qeyri-neft sektoruna yatırılan investisiyaların həcmi 51 mlrd. dollar təşkil edib».

Tədbirdə çıxış edən Azərbaycan İnvestisiya Şirkətinin (AİŞ) icraçı direktorunun müavini Rövşən Nəcəf AİŞ-in fəaliyəti və qeyri-neft sektorunda həyata keçirdiyi layihələr, Belarus Ticarət və Sənaye Palatasının baş direktorunun müavini Vera Siraçova isə iş adamları arasında əməkdaşlığın genişləndirilməsində işgüzar görüşlərin əhəmiyyəti barədə çıxış ediblər.

«Hazırda Belarusun 10 aparıcı şirkətinin nümayəndələri görüşdə işqtirak edir və Belarus tərəfinin Azərbaycanla birgə müəssisələrin yaradılması təklifi var», - deyə V.Siraçova bildirib.

Öz növbəsində Belarusun Azərbaycandakı səfiri Nikolay Patskeviç iki ölkə arasında mövcud əlaqələrin inkişafından danışıb və qeyd edib ki, Azərbaycanla Belarus arasında hazırda 70-ə yaxın müqavilə və saziş mövcuddur, bunların da 60%-i dövlət səviyyəsindədir: «Hazırda iki ölkə arasında əlaqələrin yeni mərhələsi başlayır. Artıq Azərbaycan neftinin Belarusa ixracına başlanılıb ki, cari ilin aprel ayından bu neft Minskdə emal olunacaq».

Qeyd edək ki, Azərbaycana səfər çərçivəsində Belarus iş adamları Sumqayıt Texnologiyalar Parkında olub, texnoparkın fəaliyyəti barədə məlumatlandırılıb.