Sahibkarlıq

Ana səhifə

Sahibkarlıq

1 min litrdən artıq sərinləşdirici içki satışdan çıxarılıb

26 may 2011 11:48 (UTC +04:00)

Bakı - APA-Economics. Azərbaycanda sərinləşdirici içkilərin istehsalı və satışının qanunauyğunluğunun yoxlanılması prosesi davam edir.

İqtisadi İnkişaf Nazirliyindən “APA-Ecinomics”ə verilən məlumata görə, nazirlik yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Suraxanı rayonu, Hövsan qəsəbəsi, Çöllük küçəsi, 37a ünvanında Mahal Yusifova məxsus istehsalat sahəsində aparılan yoxlama zamanı albalı, şaftalı və qara qarağat meyvə nektarlarının müvafiq reseptura olmadan istehsal edildiyi, məhsulların etiketlərində normativ sənədlərdə müəyyən olunmuş normadan artıq saxlanma temperaturu və heç bir normativ sənədə əsaslanmayan enerji dəyərinin göstərildiyi müəyyən edilib.

Qanun pozuntuları ilə əlaqədar albalı, şaftalı və qara qarağat meyvə nektarlarının istehsalının dayandırılması və müəssisə tərəfindən ticarət şəbəkəsinə paylanmış həmin məhsulların geri yığılması, eləcə də müvafiq reseptura olmadan istehsal edilmiş 1024,5 litr meyvə nektarlarının qanunvericiliyə müvafiq qaydada məhv edilməsi barədə Dövlət Xidməti tərəfindən sahibkar Mahal Yusifova icrası məcburi göstəriş verilib.

Araşdırmalar davam edir.