Sahibkarlıq

Ana səhifə

Sahibkarlıq

Azərbaycan vergi ödəyicilərinin hüquqlarının müdafiəsi sistemi təkmilləşdirir - FOTOSESSİYA

Azərbaycan vergi ödəyicilərinin hüquqlarının müdafiəsi sistemi təkmilləşdirir - <font color=red>FOTOSESSİYA</font>

09 iyun 2011 11:32 (UTC +04:00)

Bakı. Vahab Rzayev – APA-Economics. Bu gün Vergilər Nazirliyində «Sahibkarların hüquqlarının müdafiəsi ilə bağlı Vergi Nazirliyi tərəfindən göstərilən xidmətlər» mövzusunda dəyirmi masa keçirilib.

«APA-Economics»in məlumatına görə, tədbirdə çıxış edən vergilər nazirinin müavini Sahib Ələkbərov vergi ödəyicilərinə göstərilən xidmətlərdən, o cümlədən «195» Telefon Məlumat Xidməti, Nazirliyin internet səhifəsi və bu sahəyə aid olan digər məsələlərdən danışıb.

S.Ələkbərov bildirib ki, ötən il ərzində Nazirliyin veb-saytına 2 mln. istifadəçi daxil olub, bu ilin 5 ayı ərzində isə bu göstərici 1,3 mln-a çatıb. Həmin amil vergi ödəyicilərinin məlumat almasında fəallığın artmasından xəbər verir. Bundan başqa, bu ilin yanvar-may ayları ərzində 108 min nəfər «195» xidmətindən istifadə edib. Ötən il ərzində bu göstərici 236 minə bərabər olub. Əsas məsələ isə Nazirliyə daxil olunan müraciətlərlə bağlıdır. Bu il ərzində analoji müraciətlərin sayı 22 mindən artıq olub ki, bunların yalnız 5,2%-i əsassız olub. Ümumilikdə, bütün müraciətlər baxılır və müvafiq qərarlar qəbul olunur.

S.Ələkbərov məlumat verib ki, vergi ödəyicilərinin öz hüquqlarını müdafiəsi üçün üç əsas mərhələ var ki, bunlar yazılı və ya elektron şəkildə Nazirliyin rəhbərliyinə, o cümlədən birbaşa nazirə, Nazirliyin tərkibində yaradılmış Apelyasiya Şurasına və məhkəməyə müraciət formalıdır. «Aydındır ki, bu mərhələlər ardıcıl istifadə oluna bilər. Belə ki, əvvəlki mərhələdə müraciətin baxılmasının nəticəsindən razı qalmayan vergi ödəyicisi növbəti mərhələ üzrə müraciət edə bilər», - deyə S.Ələkbərov bildirib.

Nazir müavini qeyd edib ki, bu il birbaşa nazirin ünvanına 99 müraciət daxil olub və bunların hamısı baxılıb. Müraciətlərin mövzuları müxtəlif - işə qəbuldan başlayaraq yoxlamalar üzrə şikayətlərə qədər olub.

Bundan əlavə S.Ələkbərov bildirib ki, vergi ödəyicilərinə xidmətlərin göstərilməsi sahəsində aparılan işlər davam etdirilir. Belə ki, iniyədək Azərbaycanda 27 vergi terminalı yaradılıb və daha 28 terminalın yaradılması nəzərdə tutulur.