Sahibkarlıq

Ana səhifə

Sahibkarlıq

® Mərdəkanda “Səbət” şəbəkəsinə aid 7-ci marketin açılışı olub

16 iyun 2011 15:05 (UTC +04:00)

Bu barədə “APA-Economics”ə “Azeri Retail” MMC-dən məlumat verilib.

Rahat keçid imkanının təmin olunduğu, məhsulların əlverişli yerləşdirildiyi bu geniş mağaza artıq əhalinin ixtiyarındadır. Bu, müasir və yüksək texnologiyalı, “optimal seçim” ifadəsi ilə xarakterizə oluna biləcək mağazadır.

Açılışla bağlı olaraq müxtəlif hədiyyələrlə yanaşı, ilk 5 müştəriyə pulsuz bazarlıq kuponları təqdim olunub. Yenicə istifadəyə verilmiş “Atena” Süd Zavodu da alıcılara yeni məhsullarını və xüsusi təkliflərini təqdim edib. Marketin açılışında qəsəbə əhalisi, istehsalçı və təchizatçı şirkətlərin nümayəndələri iştirak ediblər.

Mağazanın açılışında iştirak edən layihə rəhbəri Andrey Sergeyeviç Kalmıkov qonaqlara “Səbət” marketlər şəbəkəsi haqqında məlumat verib. Onun sözlərinə görə, “Səbət” - yeni, dinamik, inkişaf edən mağazalar şəbəkəsidir: “Şəbəkənin yaradılmasında məqsəd alıcılara optimal çeşidləri sərfəli qiymətlərlə əldə etmək imkanı yaratmaq, təchizatçıların məhsullarının fəal təqdimi, bununla da alıcıların seçim və alış imkanını asanlaşdırmaqdır. Şəbəkədə təchizatçı partnyorlarımız üçün real imkanlar mövcuddur. Bunlar promo-rəf və promo-paletlərdə marketinq aksiyalarının keçirilməsi, marketin daxilindəki və xaricindəki görünüşlü yerlərdən faydalanaraq brendlərin tanıtımıdır”.

“Azeri Retail” MMC-nin baş direktoru Bəhruz Hüseynov ilin sonunadək mağazaların sayının 20-yə çatdırılacağını qeyd edib: “Azərbaycanda özəl biznes üçün yaradılmış əlverişli mühitdən faydalanaraq, ölkənin daha da qüdrətlənməsi naminə uğurlu biznes qurmaq, ölkə bazarında layiqli yerimizi tutmaq bizim hədəflərimizdir”.

Qeyd edək ki, “Səbət” mağazalar şəbəkəsi “Azeri Retail” MMC-yə məxsusdur. Şirkətin təsisçisi Avstriya holdinqi olan “Azeri Trade Holding GmBH”-dir. 2012-ci ilin sonunadək layihəyə ümumilikdə 12,5 mln. avro sərmayə qoyulması planlaşdırılır.