Sahibkarlıq

Ana səhifə

Sahibkarlıq

Türkiyənin tanınmış iş adamları Azərbaycana gəlir

30 iyun 2011 14:06 (UTC +04:00)

Bakı. Ülkər Qasımova - APA-Economics. Türkiyənin bir qrup tanınmış iş adamı bu gün Azərbaycana səfər edəcək.

Azərbaycanın Mədəniyyət və Turizm Nazirliyinin mətbuat katibi Zöhrə Əliyevanın “APA-Economics”ə verdiyi məlumata görə, səfər çərçivəsində tanınmış türkiyəli iş adamları ilə müxtəlif görüşlər keçiriləcək və müzakirələr aparılacaq.

Z.Əliyeva bildirib ki, beynəlxalq əməkdaşlığın genişləndirilməsi çərçivəsində nazirlik bir sıra beynəlxalq əhəmiyyətli təşkilatlarla müqavilələr imzalayır, turizmin inkişafına xidmət edən sahələrdə çalışan xarici şirkətlərlə sıx əlaqələr qurur və bu da sözügedən məqsədlə həyata keçirilən növbəti tədbirdir.

Səfər çərçivəsində türkiyəli iş adamlarının Mədəniyyət və Turizm Nazirliyinin əməkdaşları və Azərbaycan turizm sənayesi sahəsində çalışan qurumların rəhbərləri ilə görüşü təşkil olunacaq. Görüşdə Türkiyənin iş adamları ilə görüşü keçiriləcək. Görüşdə Türkiyə Turizm Yatırımçılar Dərnəyinin (TYD) sədri Turqut Gür, dərnəyin İdarə Heyətinin üzvləri Ayhan Bektaş, Can Pulak, Recai Çakır, Türkiyə Səyahət Agentlikləri Birliyinin (TURSAB) sədri Başaran Ulusoy, birliyin direktoru Ela Atakan, Türkiyə Turistik Otelçilər və İşlətimçilər Birliyinin sədri (TUROB) Timur Bayındır, Türkiyə-Azərbaycan İş Şurasının (DEİK) sədri Cengiz Gülün iştirakı nəzərdə tutulur. Eyni zamanda türkiyəli iş adamlarının mədəniyyət və turizm naziri Əbülfəs Qarayevlə də görüşü planlaşdırılır.