Bank Of Baku

Gürcüstanda daha 3 «SOCAR» brendli yanacaqdoldurma məntəqəsi açılıb

Gürcüstanda daha 3 «SOCAR» brendli yanacaqdoldurma məntəqəsi açılıb
# 30 iyul 2011 11:24 (UTC +04:00)
Bakı. Nicat Mustafayev – APA-Economics. «SOCAR Georgia Petroleum» MMC Gürcüstanda «SOCAR» brendli daha 3 yeni yanacaqdoldurma məntəqəsini istifadəyə verib.

Azərbaycan Dövlət Neft Şirkətindən (ARDNŞ) «APA-Economics»ə verilən məlumata görə, yanacaqdoldurma məntəqələrindən biri Kaxetiya bölgəsinin Axmeta rayonunda, daha 2-si isə Tbilisi gölünün yanında və Varketeli qəsəbəsində istifadəyə verilib. Bununla da Gürcüstandakı «SOCAR» yanacaqdoldurma məntəqələrinin sayı 74-ə çatıb.

Qeyd edək ki, bu ilin sonunadək Gürcüstanda tikilib istifadəyə verilmiş «SOCAR» brendli yanacaqdoldurma məntəqələrinin sayı 100-ə çatdırılacaq.

Xatırladaq ki, 2006-cı ildən fəaliyyət göstərən «SOCAR Georgia Petroleum» MMC ARDNŞ-ın «SOCAR Energy Georgia» şirkətinin 100%-li törəmə müəssisəsidir. Müəssisə Gürcüstan bazarına neft məhsullarının (benzin, dizel, aviasiya yanacağı, sıxılmış qaz, bitum, mazut) idxalı, həmçinin neft məhsullarının topdan və pərakəndə satışı, SOCAR brendi altında müasir standartlara cavab verən yanacaqdoldurma məntəqələrinin və neft bazalarının tikintisi ilə məşğuldur.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR