Sahibkarlıq

Ana səhifə

Sahibkarlıq

Azərbaycan bazarında daha 800 kq-a yaxın yararsız ərzaq malları aşkarlanıb

04 avqust 2011 14:43 (UTC +04:00)

Bakı. Nicat Mustafayev – APA-Economics. Azərbaycan İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən növbəti monitorinq keçirilib.

Nazirlikdən «APA-Economics»ə verilən məlumata görə, monitorinq zamanı Bakının Xətai rayonunda A.Cəlilov küçəsində yerləşən «Sevimli Dad market»də və İnsaf Mirzəyevaya məxsus mağazada, Əhmədli qəsəbəsi, M.Rüstəmov küçəsi, ev 4/6, mənzil 119 ünvanındakı «Günəş market»də, İ.Zülfüqarov küçəsi, ev 107A ünvanında yerləşən «Fərid market»də, Şıxlinski küçəsi, ev 1A ünvanında «İN Qrup» MMC-yə məxsus mağazada, M.Rüstəmova küçəsi, ev 34C ünvanında Marifə Yusifovaya məxsus mağazada, Nəsimi rayonunda H.Seyidzadə küçəsi, ev 2 ünvanında yerləşən «Pərviz market»də və «Sənan market»də, M.Cəlal küçəsi, ev 18 ünvanında Elmar Həsənova məxsus mağazada, 20 Yanvar küçəsində Əbülfət Həsənova və Zabit Muradova məxsus mağazalarda, C.Səlimov küçəsi, ev 7 ünvanında yerləşən «Rahat market»də, Yasamal rayonunda Z.Xəlilov küçəsi, ev 26, 554-cü məhəllədə Rafiq Yusifova məxsus mağazada, Şərifzadə küçəsi, ev 176 ünvanında Sənubər Babayevaya məxsus mağazada, H.Zərdabi prospektində «53 market»də, «Eksperimental market»də və Müşərrəf Əhmədovaya məxsus mağazada, N.Hikmət küçəsi, ev 26/76 ünvanında İmran İsgəndərova məxsus mağazada, Ə.Əhmədov küçəsi, ev 38c ünvanında Xəyal Ələkbərova məxsus mağazada, Səbail rayonunda Nizami küçəsi, ev 96 ünvanında «Azeri Retail» MMC-yə məxsus mağazada, Xəzər rayonunda Qala qəsəbəsi, 2/209 saylı sahəsində yerləşən «İlham» marketdə, Hacıqabul rayonunda İ.Qayibov küçəsində Mahir Həşimova məxsus mağazada, H.Əliyev prospekti, ev 32 ünvanında Elçin Rzayevə məxsus mağazada, Xaçmaz rayonunda Nabran kəndində Ramazan Hüseynova məxsus mağazada, Şəmkir şəhərində S.Vurğun küçəsi, ev 226 ünvanında Rəfiqə Cəfərovaya məxsus mağazada Füzuli rayonunda Horadiz şəhəri, M.Rəsulzadə küçəsində Elçin Abdullayevə məxsus mağazada, Saatlı rayonunda H.Əliyev prospekti, ev 108 ünvanında İmran Quliyevə məxsus mağazada, Xiyabani küçəsində Cəlil Mehdiyevə məxsus mağazada ümumi çəkisi 765 kiloqrama yaxın saxlama müddəti ötmüş və normativ-texniki sənədlərin tələblərinə uyğun olmayan ərzaq malları aşkar olunub, satışdan çıxarılaraq məhv edilib.

Qanun pozuntusuna yol vermiş şəxslər barəsində İnzibati Xətalar Məcəlləsinə uyğun olaraq inzibati cərimələr tətbiq olunacaq.