Sahibkarlıq

Ana səhifə

Sahibkarlıq

Standartlaşdırma, Metrologiya və Patent üzrə Dövlət Komitəsi bu il 483 müəssisədə nöqsan müəyyən edib

11 oktyabr 2011 09:02 (UTC +04:00)

Bakı. Əli Əhmədov - APA-Economics. Standartlaşdırma, Metrologiya və Patent üzrə Dövlət Komitəsinin ərazi dövlət nəzarəti idarələri bu ilin 9 ayında 1 175 nəzarət tədbirləri həyata keçiriblər.

Komitədən «APA-Economics»ə verilən məlumata görə, bu tədbirlər zamanı 692 obyektdə nöqsan aşkar edilməyib və onlar barədə müsbət akt tərtib edilib.

483 təsərrüfat subyektində müəyyən olunan qanun pozuntuları ilə bağlı qanunvericiliklə nəzərdə tutulmuş tədbirlər görülüb: müəssisə rəhbərlərinə iradnamə və tələbnamə verilib, 32 təsərrüfat subyekti barədə ümumilikdə 98 min manat cərimə tətbiq edilib, 5 müəssisə barədə sənədlər məhkəmələrə göndərilib.

Komitədən bildirilib ki, dövlət nəzarəti tədbirləri nəticəsində uyğunluq sertifikatı olmadığına görə 2 558 litr alkoqolsuz içki, 2500 litr alkoqollu içki, 1 560 kq un və konditer məmulatları, 10 516 ədəd müxtəlif adda konservlər, 783 kq süd məhsulları, 30 592 kq dənli bitkilər, 183 kq ət məhsullarının satışına icazə verilməyib.

Bundan başqa, təhlükəsizlik və digər göstəricilərinə görə standartın tələblərinə uyğun olmayan 2200 kq şokolad və vafli, 82 kq şərq şirniyyatı və biskvitli kremli tort, 60 kq nabat şəkilli karamel, 5000 litr alkoqolsuz içki, 900 litr süd məhsulları, 4500 litr alkoqollu içki, 135 kq dondurma aktlaşdırılaraq məhv edilib.