Sahibkarlıq

Sahibkarlıq

Bakıda Azərbaycan-İsveçrə biznes-forumu keçirilir - FOTOSESSİYA

Bakıda Azərbaycan-İsveçrə biznes-forumu keçirilir - <font color=red>FOTOSESSİYA</font>

27 oktyabr 2011 08:25 (UTC +04:00)

Bakı. Nicat Mustafayev - APA-Economics. Bu gün Bakıda Azərbaycan İqtisadi İnkişaf Nazirliyinin dəstəyi, Azərbaycanda İxracın və İnvestisiyaların Təşviqi Fondunun (“Azpromo”) təşkilatçılığı ilə Azərbaycan-İsveçrə biznes-forumu işə başlayıb.

“APA-Economics”in xəbərinə görə, tədbirdə çıxış edən iqtisadi inkişaf nazirinin müavini Niyazi Səfərov iki ölkə arasında mövcud əlaqələrdən danışaraq qeyd edib ki, Azərbaycanla İsveçrə arasında ticarət dövriyyəsi artan dinamika ilə inkişaf edir: “Potensial böyükdür və əlaqələrimizi bir qədər də inkişaf etdirmək niyyətindəyik”.

İsveçrə Konfederasiyasının dövlət müşaviri, Cenevrə kantonunun iqtisadiyyat və səhiyyə naziri Pyer-Fransua Unqer Azərbaycanla əlaqələrin genişləndirilməsində maraqlı olduqlarını və bunun üçün hər iki ölkənin böyük potensialın olduğunu bildirib.

Tədbirdə çıxış edən “Azpromo”nun prezidenti Adil Məmmədov Azərbaycanın investisiya və ixrac imkanları, Azərbaycan İnvestisiya Şirkətinin icraçı direktoru Əfqan İsayev rəhbərlik etdiyi qurumun fəaliyyəti və həyata keçirdiyi layihələr barədə təqdimatla çıxış edib.

İsveçrənin Azərbaycandakı səfiri Sabina Ulman Şaban biznes-forum və işgüzar görüşlərin iki ölkə arasında əməkdaşlığın daha da genişləndirilməsində əhəmiyyətini qeyd edib.

Tədbirdə rəsmi şəxslərlə yanaşı, maliyyə və bank, sənaye, ticarət, əmlak, səhiyyə, təhsil və digər sahələri təmsil edən 100-dən çox iş adamı iştirak edir.